稻香點心加價！$18.8早晨孖寶加價$2 引網民激辨：加價仲要份量細

更新時間：18:57 2025-07-28 HKT
發佈時間：18:57 2025-07-28 HKT

稻香點心加價｜稻香近年一向走價格親民路線，不時會做點心、小菜等各種優惠。早前推出「飲茶節」優惠，早茶老友記$18.8點心孖寶就大受歡迎。不過近日就有網民發現，$18.8點心孖寶已悄悄加價，現時變成「晨光老友記」$20.8，每份兩款點心。有網民力撐依然抵食，不過亦有網民對加價大失所望引起激辨！

稻香早茶點心加價 $20.8孖寶任選兩款

近日有網民發現，$18.8點心孖寶已悄悄加價，變成「晨光老友記」$20.8。（圖片：香港酒樓關注組＠Facebook）

稻香「晨光老友記」標榜現製點心，於星期一至六上午7時至11時55分，以及星期日及假日上午7時至10時55分供應。加價後一份$20.8，可任選兩款美點配搭，包括三式鮮蝦餃、馬拉糕、魚茸炸茄子、乾貝蟹籽燒賣、虎掌菌蒸滑雞等等共十款選擇，當中更包括飽肚的豬潤肉丸粥及姬松茸菜肉包。顧客無需年齡限制即可享用，亦沒有每檯次數上限，吸引不少熱衷早茶的食客。

網民反應兩極加咗價都係平vs唔抵食

不過，這次加價及點心分量的變化，引發網民激烈討論。網民指出，「晨光老友記」的點心份量對比普通時段的點心有所減少，有網民抱怨：「菜肉包3個變2個」、「全部點心少一粒」。有部分網民則對加價表示不滿：「多幾個客就加價，質素越做越差！」亦有人批評味道失色：「上次試過五樣點心同一味（冇味）」、「輸在預製點心的味道」。然而，也有支持聲音強調其性價比：「20蚊一籠都平啦，何況6粒兩種唔同！」並有人稱：「細細粒容易食，補青春增活力。」

圖片及資料來源：香港酒樓關注組＠Facebook