日式餐廳60分鐘壽司放題Threads爆紅！網民實試讚價錢合理+足料抵食惟有3點需改善：無XX就爭啲

更新時間：15:09 2025-07-22 HKT
發佈時間：15:09 2025-07-22 HKT

近日本地飲食業的經營環境備受挑戰，紛紛推出不同噱頭優惠吸引客人光顧。日前，主打日式壽司及刺身放題的「千之味刺身壽司專門店」推出60分鐘任食壽司放題，亦可選擇加錢升級至90分鐘及任食藍鰭吞拿魚等，隨即在社交平台引起網民關注！有食客實試後分享食後感，認為放題價錢合理，食材亦算足料，但同時指出3需要改進的地方，即看詳情！

日式餐廳60分鐘壽司放題爆紅！任食三文魚／帶子升級歎藍鰭吞拿魚

主打日式壽司及刺身放題的「千之味刺身壽司專門店」向來搞作多多，繼早前推出大胃王挑戰及壽司蛋糕後，最近再在3間分店推出60分鐘純壽司放題，供應多款壽司、炸物及小食選擇，包括三文魚、帶子、油甘魚、填蝦、北寄貝及花之戀壽司等，每位$188包飲品（長者及小童半價）；餐廳亦供應加$78的升級選擇，用餐時間額外增至90分餐，同時可任食藍鰭吞拿中拖羅、藍鰭吞拿大拖羅、海膽軍艦、三文魚籽軍艦等。

店方在社交平台表示，現時的壽司放題為「2.0版本」，認為反應超出預期，現正著手準備「3.0版本」，強調價錢一樣，但會新增更多款式，務求「令大家更喜歡」。

網民實試讚價錢合理+足料抵食惟有3點需改善？

壽司放題吸引不少網民關注，有食客前往實測，認為整體質素及味道保持水準，壽司飯大小適中，絕非「質飽」型；海膽份量亦算足料，「過到吓海膽癮」，直言價錢合理，「唔upgrade都抵食」。

不過，他亦指出需要改善的地方，首先是上菜速度慢，即使當日餐廳人流不多，惟亦出現頻頻漏單的情況，令人擔心繁忙時段的表現。其次，放題時間限制在60分鐘，若不升級套餐，時間略顯倉促。最後，雖然放題套餐設飲品任飲，但認為「坐低比杯熱茶好基本」，希望餐廳之後可改善。

有網民看到帖文後，隨即分享自己的用餐體驗，「熱茶要叫先有，但都好樂意俾你」、「食過屯門放題，唔可以話天花板既質素，但對得住個價錢」，「元朗店，拖羅冇乜味，海膽一般，不過其他壽司都唔錯，性價比ok la」、「海膽真心唔差，利申去天后食」；亦有網民指早前光顧時，海膽份量相對較少，壽司飯量亦偏多，「海膽差咁遠」、「我都係去九龍灣，我嗰日啲飯勁大喎，肯定有元氣/爭鮮/壽司郎嘅1.5倍以上，好大舊好實，基本上食10舊就飽」。

來源：Threads@ming_224、千之味刺身壽司專門店@Facebook