柴灣漁灣街市平價火鍋放題獲港人力推！$168無限時任飲任食海鮮+肥牛網民讚老闆「好招呼」：收得平仲想點？

更新時間：14:37 2025-07-08 HKT
發佈時間：14:37 2025-07-08 HKT

香港人一年四季都喜愛打邊爐「烚下烚下」，最近有港人力推一間位於柴灣的平價火鍋放題，$168即可無限時任食任飲，而且食材眾多，選擇包括多款海鮮、肉類、丸類及蔬菜等，更可任飲汽水和啤酒，又大讚老闆「好好招呼」。雖然有網民反指餐廳食材質素一般，不過樓主就認為其收費與食物質素成正比，直言「收得平仲想點？」

柴灣漁灣街市平價火鍋放題獲港人力推！$168無限時任飲任食海鮮+肥牛

最近有網民於Facebook群組「香港茶餐廳及美食關注組」發文，力推位於柴灣漁灣街市的「佰天火鍋」，稱自己已多次光顧，大讚其火鍋放題收費便宜，並勝在可以任食任坐，更大讚「老細好好招呼」。樓主於文中續指：「收得平仲想點？」、「如果（餐廳）收得你貴，（食客）又叫人北上消費！」認為收費與食物質素成正比。

「佰天火鍋」主打平價火鍋放題，每位$168即可無限時任食任飲，食材種類豐富，有數十款供食客選擇，海鮮款式有扇貝、蝦、蟹、瀨尿蝦，肉類則有肥牛、雞子等，另外亦有魚蛋、蟹柳、蔬菜等其他火鍋食材。至於飲品亦多達十多款，有汽水、啤酒、紙包飲品供任飲，性價比極高！

網民回應：一分錢一分貨

對於樓主力推的火鍋放題餐廳，有人指出食物質素一般：「海鮮頭轉還好，之後嗰啲基本都係霉嘅，一分錢一分貨，將就下……」、「啲牛肉好劣質」、「海鮮應該全部都係霉，實淨嘅話，根本上蝕俾你」。

不過亦有網民表示支持：「有啲人想用$168食到$1688嘅質素。」、「算係咁，最緊要服務ok」、「$168減走$40租金、$80人工等於$48食材，個人覺得好抵食！」、「柴灣係呢啲消費水平，太貴無人去」、「算啲牛肉唔得，仲有咁多樣嘢食，又任飲任坐，$168真心抵」、「平又話人地啲野霉，貴又話咁貴不如返大陸食」、「港島黎講平」、「咁抵嘅價錢，邊度使北上消費？」

佰天火鍋