Donki再縮舖！旗下最後一間鮮選迴轉壽司店結業 攻港4年人氣不再？網民：做放題果然係執笠徵兆
更新時間：14:30 2025-06-28 HKT
發佈時間：14:30 2025-06-28 HKT
發佈時間：14:30 2025-06-28 HKT
字體大小
最近飲食業市況低迷，不少餐廳食肆都推出優惠及其他新招吸客。於3月中時，Don Don Donki 驚安之殿堂的鮮選迴轉壽司店亦推出$280壽司放題2小時救市，但其後突然「縮沙」轉為限量供應。但日前有網民發現，全港僅剩一間的荃灣海之戀鮮選壽司亦貼出通告，宣布「為迎接全新精彩活動，本店將營業至2025年6月30日」，意味住Donki再縮舖，令網民大感意外，即睇內文詳情！
Donki荃灣海之戀鮮選迴轉壽司店6.30結業！攻港4年人氣不再
日前，有網民在facebook專頁「香港壽司刺身關注組 」發文，指發現Donki位於荃灣海之戀鮮選壽司貼出告示，表示「為迎接全新精彩活動，本店將營業至2025年6月30日！」，並「衷心感謝顧客一直以來的支持。」，代表住Donki全港僅剩的一間迴轉壽司店亦將結業。
Donki於2021年引入鮮選壽司，於一開張時風頭無兩，引來不少食客排隊試，大受歡迎便積極擴充，高峰期時全港有5間分店，包括位於山頂、黃埔、銅鑼灣、小西灣及荃灣海之戀店。惟後繼無力，相繼結業，更一度傳出會全線結業的消息，僅執剩荃灣海之戀分店。
曾推壽司放題救市 幾日後突「縮沙」轉限量供應
後來荃灣海之戀分店就推出放題救市，推出$280的2小時壽司放題，可任食大拖羅、海膽、帶子、甜蝦、三文魚等多款壽司，而$480則可額外享螃蟹及壽司放題，加$100更可任飲酒精飲品。不過，Donki於推出放題後僅幾天便獲負評，更指店家將放題改為限量供應，並以「額滿」為由暫停供應放題，網民大呼中伏。
而於鮮選結業消息帖文一出後，亦引來不少網民熱議，有人留言指「果然做放題係執笠徵兆」，並指結業原來可能是推出放題後，「少了客高消費」，加上「放題都放唔好…本來救命一擊變成臭名遠播」；但亦曾經幫襯過黃埔分店的顧客表示，鮮選的壽司「質素唔差…可惜大把位職員都唔俾客入座」等。
鮮選壽司 (海之戀商場店)
- 地址：荃灣大河道100號海之戀商場2樓2001號舖
- 營業時間：10am－9pm
資料來源︰香港壽司刺身關注組＠fb
延伸閱讀︰Donki壽司放題突「縮沙」轉限量供應？營業2小時即宣告額滿 網民怒轟：做唔掂就唔好學人搞！
Donki鮮選壽司出$280壽司放題！任食大拖/海膽/帶子 網民激讚「抵過食自助餐！」 曾傳全線結業現執剩1分店
最Hit
前TVB女星突宣布做老闆 一度失業推200斤貨來港擺攤 曾捲醜聞形象插水
2025-06-28 09:00 HKT
桌球｜奧蘇利雲社交媒體公布婚訊
15小時前
八達通1特徵代表即將失效？即睇兩方法免費更換
2025-06-28 11:00 HKT
內地網傳蔡瀾給自己餐廳的「最後離別信」！剖白開餐廳宗旨「永遠三個字平靚正」 1理由盼食客繼續支持
2025-06-27 17:53 HKT
60歲長者北上深圳必備頤年卡！可享10大福利 免費搭地鐵公交+醫療優惠 滿1條件即可申請
2025-06-28 09:00 HKT