港女質疑荃灣食店「冇廁所」講大話！嬲爆即取消全單：香港餐廳執笠自己攞嚟惟1原因惹網民熱議

更新時間：17:32 2025-06-14 HKT
發佈時間：17:32 2025-06-14 HKT

外出到餐廳用膳，難免會「人有三急」，但萬一遇上一間沒有洗手間或是廁所不設外借的食肆，該怎算好？日前有位女網民在社交平台上發文，指到荃灣一間餐廳食飯時想去洗手間，怎料獲侍應回覆指要到附近商場，令她質疑食店講大話，究竟是「冇廁所」還是「有唔借」，立即嬲爆取消全單，並指「香港餐廳執笠是自己攞嚟」。帖文一出引來大批網民熱議，亦非人人支持其做法，即睇內文詳情！

「冇廁所」定「有唔借」？港女不滿質疑荃灣食店講大話！

近日，有網民於社交平台Threads上發文，指當日在荃灣一間頗受歡迎的餐廳吃飯，點餐後想借用洗手間，於是向侍應查詢，怎料卻被告知餐廳內並無洗手間，最近需要步行5分鐘前往附近的商場。事主對此感到非常驚訝，並隨即上網搜尋相關規例，「到底食肆可唔可以冇洗手間」，她發現根據香港規例，餐廳必須提供洗手間設施。

事主為了確認究竟餐廳是「冇廁所」抑或是「有唔借」，於是再次向侍應詢問，並指「出面落緊好大雨」，但仍獲回覆餐廳的確無洗手間。最終她叫侍應「咁幫我cancel所有嘢，我唔食了」，並決定向食環署舉報該餐廳的「違規」行為。她更表示，「有時真係唔好問點解冇人出街食飯…點解香港啲餐廳執笠，真係自己攞黎」。

網民反應兩極：樓面婉轉啲未必咁嬲

帖文一出，引來大批網民熱烈討論，惟反應兩極。有人認同事主的不滿，表示「就算曾經被啲好無公德心嘅人用到一pat屎，都唔代表可以剝削其他客人用洗手間嘅權利」、「如果個樓面醒少少，婉轉啲人哋未必咁嬲」，以及「吓吓都要出去搵餐死先有廁所，我不如係屋企自己煮野食」等。

認為餐廳有苦衷：好多衛生都麻麻

而另一批網民則認為餐廳如真有廁所不外借，也是有苦衷的，「其實係想曲線同你講『就算有廁所都唔想外借』，可能塞咗，都可能唔想額外請人做清潔之類」、「就算有未必借俾你，一嚟好多衛生都麻麻，俾你都唔敢用」，並指餐廳有提供解決方法，事主毋須如此動氣，「你都有遮，5分鐘都唔算遠，可以同餐廳講遲啲上菜，而唔係全張單取消」；亦有人指「先唔好講你求證唔到佢係唔係講大話，即使係，人哋有俾第二個解決方法你，都唔算服務差啦」。

至於事主嬲爆要報食環一事，網民亦有回應，「我屋企都係開餐廳，都係冇廁所，客要出去搵㗎」、「我平時食開間小店，職員都係要行5分鐘去隔離麥當勞嘅廁所，所以佢哋舖頭冇都唔出奇」，以及「出牌係需要廁所，之不過有可能係無員工或請唔到肯負責清潔廁所，就索性唔用，一律用街外廁所」等。

資料來源︰Threads