太子驚現點心店一條街？2個月內連開3間逆市發圍！網民好奇：依家賣點心叫易做？

更新時間：10:16 2025-06-16 HKT
發佈時間：10:16 2025-06-16 HKT

太子驚現點心一條街？最近有網民發現點心專門店如雨後春筍般湧現，單是太子大埔道一帶，短短2個月已有3間點心專門店開業，在本港餐飲結業潮下成逆市奇葩，指：「而家做賣點心叫做易做？」更好奇背後貨源：「我只知道家下基本上無哂點心師傅半夜起身包點心依回事，咁即係會攞貨返嚟啦？」

太子大埔道變點心街？2個月內逆市連開3間專門店

有網民於Threads發文，指最近經過太子大埔道近界限街一帶時，發現在短短一個半至兩個月期間，已經有3間全新開張的點心專門店，續指彌敦道近警署一帶，同樣是點心專門店林立，驚訝其開張速度：「唔知有冇做飲食或者業內相關人士可以講下，依家做賣點心叫做易做？」

樓主同時好奇點心店的背後貨源，認為「家下基本上無哂點心師傅半夜起身包點心呢回事」，質疑不少點心店使用預製菜：「即係會攞貨返嚟啦？唔知係本地製定大陸製？」又指：「開到四圍係又代表啲貨其實好平，或者啲料係粗嘢？」

翻查資料及從樓主上載的圖片所見，這些點心專門店都是近期新開業，部分以平價點心作招徠，供應的點心款式大同小異，如蝦餃、燒賣、小籠包、牛肉球、鮮竹卷等，值得一提的是，多間點心紙上都寫明「即叫即蒸」，其中一間更標榜是現場手工製作點心。

網民：「全部預製菜」VS「唔係樣樣樣都預製」

對於樓主的貼文，有網民留言表示：「全部預製菜，搵人蒸就得，最多放幾個秒錶，廚房大佬都唔洗，慳好多。而且點心好少吃一、兩籠，一個人叫3至4樣都上百，利潤應該幾高。」不過亦有人持相反看法，認為不是每款點心都可以預製，而且若採用預製點心，都有一定成本及運輸風險：「而家無左大茶樓，會好多點心師傅出嚟自己搞點心專門店，有啲高質嘅都要係人手做，唔係樣樣都可以預製，預製要有冷凍設備，要冷凍運輸配合，個成本同運輸風險唔會低。」

資料及圖片來源：Threads