沙田燒肉放題疑揀客？拒幫襯貴價餐店員即「黑面」 港女力數4宗罪 店方親回逐點反擊！
發佈時間：19:10 2025-06-02 HKT
沙田燒肉放題餐廳店疑似「揀客」？香港餐飲業的服務態度一直備受爭議，近日有港女在社交平台上發文，表示早前打算光顧沙田一間燒肉放題餐廳，當時店員推介他們點選每位$398的放題套餐，惟事主最後決定選擇較平價的$298套餐，形容店員隨即露出嫌棄的樣子，更被要求等候1.5小時才可入座，期間卻見店員繼續熱情推銷貴價套餐予其他客人，讓她感到十分氣憤，直言「有位唔俾我哋入」、「揀客做生意」，就此《星島頭條》向有關餐廳查詢並獲回應，即看下文了解詳情。
沙田燒肉放題疑揀客？港女力數4宗罪怒斥：揀客做生意
近日，有港女在Threads發文，狠批位於沙田新城市廣場的武田燒肉員工服務態度差，而且有「揀客做生意」之嫌。事主表示，早前晚上6時許經過該燒肉放題店時，站在門口的店員向他們熱情推銷每位$398的燒肉套餐，「一直見住佢sell人walk in，所以我先行埋去。」
但當事主決定選擇較平的$298套餐後，店員卻立即「黑面」，甚至露出「嫌棄鄙視嘅樣」，「個女人（店員）本身笑笑口sell我貴餐，聽到我揀平餐之後即刻黑面嚇親我。」隨後，該店員與經理「咬耳仔」溝通後，竟告知事主需要等待1.5小時才可以入座進食。
事主補充，他們打算不顧並離開時看見店員繼續向其他客人推銷$398燒肉套餐，並讓選擇貴價套餐的顧客即時入座，認為餐廳當時仍有位置，讓她忍不住質疑：「如果佢知道無位就唔會一開始熱烈sell我，之後亦唔會企係到繼續sell人揀貴餐？」因而質疑店員「揀客」，服務態度或因套餐價格而異。
網民熱議：咁樣做生意都有？
帖子引起網民熱議，有類似經歷的網民留言，「我地上次都係咁！話食298，入面有位都話冇位，睇住佢成半個鐘冇人入去佢都話冇位，嬲嬲地去對面間串燒食算」、「呢家烤肉店超差，特別嗰個女經理」、「食過一次，sell我398唔成功，298即X面」；也有網民批評，「唔洗入去甩難呀，呢間又難食服務態度又差」、「唔想人揀平餐，咁點解唔直接取消$298個餐呢，我諗唔明喎。」
但也有曾光顧的網民為餐廳平反，表示有機會是個別員工服務態度不佳，「係咪嗰條友問題咋，我去過幾次唔係食貴plan都冇差待遇，經理服務仲幾好 」、「我上次去又無嘢喎，你有冇book位？」、「又唔係啊！上次我想食598個餐，佢都係叫我食返398」、「之前食過，嗰陣訂位，冇呢個問題。」
餐廳否認「揀客」 稱已翻查閉路電視 確認職員禮貌對答
《星島頭條》記者就該上述投訴向相關餐廳查詢，店家回覆表示，當時餐廳已經滿額，任何沒有預約的客人都不會有空餘位置可以入座，「真相是除了已訂座顧客，其餘包括對事件有誤會的情侶外，之後所有查詢嘅顧客入座時間都是8:15之後！」。
店家進一步指出，翻查閉路電視後，確認同事是有禮貌與客人對答，並通知事主需要等下一輪入座，「至於事主認為員工冇枱點解繼續Sell客，作為一個盡責員工，對客人解釋餐牌，是基本禮貌」，又指當前不少市民都選擇在香港境外消費，直言「有興趣惠顧本餐廳留港消費嘅客人，我們還有資格去選擇嗎？」，並表示就事件已收到過百位以往曾光顧的客人的關心及慰問的訊息，不過不希望在網上反駁及挑起罵戰，「勸喻想幫忙平反嘅客人唔需要作出回應⋯⋯本公司已經心存感激！」
店家最後重申，「本公司都係守住本分，做好自己」，但由於相關員工因此事受到困擾，故特意回應，希望得到平反，亦表示以後會「本着用心的態度，繼續服務大家。」
圖片及資料來源：Threads
文：Y
延伸閱讀：酒樓用預製菜象徵新時代？天水圍茶樓堅持全手工製點心 老闆黃傑龍：我哋仲係嗰兩成古板落後酒樓
