酒樓用預製菜象徵新時代？天水圍茶樓堅持全手工製點心老闆黃傑龍：我哋仲係嗰兩成古板落後酒樓

更新時間：11:30 2025-06-01 HKT
發佈時間：11:30 2025-06-01 HKT

近年有部分餐廳食肆為節省人手及成本而轉用「預製菜」或「半預製成品」，有餐飲業代表估計現時有超過8成酒樓使用預製點心，認為是業界進入新時代的象徵。對此，敘福樓CEO黃傑龍於社交平台發文，表示旗下茶樓堅持每日人手製作點心，更有近年買少見少的點心車，澄清仍屬「嗰兩成古板落後傳統酒樓」，

預製菜成風？黃家和估計8成酒樓用預製點心

香港餐飲聯業協會會長黃家和早前表示，預製菜其實已存在多年，尤其是在疫情過後，其發展蓬勃乃為大勢所趨，現時亦有不少本港餐廳為降低成本而轉用預製菜，估計有8成本地酒樓使用預製點心，認為是象徵本港餐飲業進入新時代。

不過黃家和亦指出，工廠式生產的預製菜味道較劃一，故對食客來說不會有「驚喜」，與廚師現場烹調一定有分別。至於食物安全方面，黃家和指，一些製造劣質食物的「山寨廠」為賺取暴利而將貨就價，購入來歷不明、低價材料、肉類等，有機會產生食安憂慮。

詳細報道：預製菜成風無得避？業界爆逾八成酒樓用預製點心：慳人手成本味道劃一「無驚喜」

敘福樓CEO黃傑龍：我哋仲係嗰兩成古板落後傳統嘅酒樓

對此，敘福樓CEO黃傑龍日前在社交平台發文，表示旗下酒樓（煲仔王）仍然堅持每日人手製作新鮮點心，店內更有「阿姐」推點心車叫賣，形容煲仔王「仲係嗰兩成古板落後傳統嘅酒樓」。他又指出，由於點心師傅每日早上四、五時就會上班，現場人手製作點心，因此如果不同日子吃到的味道略有不同實屬正常，「代表師傅嘅心情都有啲高低起伏，只要在合理範圍都屬正常現象」。

除此之外，他強調煲仔王屬「街坊生意」，「唔好同我投訴員工冇禮貌，佢哋都係用返街坊同街坊之間嘅熱情去服務，唔係嗰種培訓出嚟嘅服務。多謝多謝。」

網民力撐：好串我中（鐘）意！

帖文一出，隨即吸引不少網民留言支持，「好串，我中（鐘）意」、「煲仔王可否開分店」、「唔係幫你賣廣告，鳳爪同靚粥必食，仲有下午茶特價盅頭飯」，又笑言「如果星期四朝早有啲唔同係咪師傅輸咗馬？」。

亦有網民直言現時預製菜成風，其中一個原因是點心師傅的工作太辛苦，「搵嘅錢又唔算太多，吸引唔到年輕一代人去」，黃傑龍對此表示認同「完全係」，亦有人認為是有部分食肆商家失去人情味，不尊重食客，「要賺到盡，唔理消費者感受」，而黃傑龍則回覆表示「都唔可以咁講，個社會確實係轉變中。所以我哋都係得返一間酒樓。」

天水圍懷舊點心車酒樓全日3時段供應

「煲仔王」位於天水圍天恩邨，為敘福樓集團旗下唯一一間中式菜館，主打港式點心、各式燒味、煲仔小菜及炒粉麵飯。酒樓的點心供應分為晨早茶市、午市及下午茶三輪，價錢由$14至$35不等（星期一至五），點心選擇約有十數款，除了蟹皇燒賣、鮮蝦餃、潮州蒸粉果、蠔皇鮮竹卷等，亦有燒腩卷、千層馬拉糕、乾蒸牛肉、雜豆糕等懷舊點心，而點心車則由早上6時半起開始「出巡」，直至所有點心售罄，想體驗懷舊點心車就要趁早入座！

文：LW

圖片來源：facebook