觀塘廣場小食店現天價滷味？鮑魚/大生腸/墨魚/火雞腎等14餸索價$155 網民反應兩極：下欄嘢賣咁貴VS好食就覺得抵

更新時間：17:07 2025-05-26 HKT
發佈時間：17:07 2025-05-26 HKT

香港不乏特色街頭小食，包括魚蛋燒賣、煎釀三寶、碗仔翅、滷味等，吸引不少遊客來港時亦專程前往品嚐。街頭小食一向價錢親民，不過最近有網民於網上群組分享，發現觀塘廣場一間滷味小食店出現貴價滷味，包含大生腸、墨魚、鮑魚、火雞腎等14餸的滷味索價$155，不少網民大嘆「食唔起」，同時有網民認為滷味份量十足，以此定價亦相當合理。

觀塘廣場小食店現貴價滷味？鮑魚/大生腸/墨魚/火雞腎14餸索價$155

香港特色街頭小食往往吸引到遊客專程前往品嚐，部份甚至長期大排長龍。魚蛋燒賣、煎釀三寶等小食一向以價錢親民見稱，不過近日有網民發現觀塘廣場一間地道滷味小食店，推出一款「全家福」滷味索價$155，令網民不禁大嘆「我真係食唔起」。從菜單可見，這款「全家福」包括4隻鮑魚仔、2串墨魚、1串大生腸、2串火雞腎、2串細生腸、1串雞翼尖、3片紅腸、2片豬頭肉、2片豬耳、2片豬肚、2片豬膶、2片豬心、2片豬脷、1片豬頸肉，份量相當豐富，似乎為方便大班朋友一同分享。

網民反應兩極：下欄嘢賣咁貴VS好食就覺得抵

對於價錢逾百元的街頭小食，有網民認為街頭小食的特點為價錢親民，惟現時這種小食定價已變得「離地」，「5份兩餸飯」、「夠我食3日嘅午餐」、「下欄嘢都賣咁貴」、「貴過酒樓食餐飯」。不過，有網民觀察到「全家福」滷味份量十足，加上有鮑魚仔，定價不算過份，「咁多嘢食，都係呢個價錢，其實都算係咁啦」、「睇返個份量料好食就唔會貴」、「潮州打冷嗰啲兩拼三拼四拼咪仲貴」、「加一串鮑魚，價錢算唔錯」、「價錢受得起，膽固醇受唔起」。

文:RY
資料及圖片來源:香港茶餐廳及美食關注組@Facebook