酒樓賣$20/隻片皮鴨殼港男斥「賺到盡」網民唔撐反指走寶：明碼實價又唔浪費仲想點？

更新時間：16:01 2025-03-25 HKT
發佈時間：16:01 2025-03-25 HKT

片皮鴨是不少中菜館、酒樓的招牌菜式之一，近期有連鎖酒樓將鴨肉切走後，將剩餘的鴨殼以每隻$20出售，有港男對此舉看不過眼，發文直斥酒樓「賺到盡」，惟帖文一出未獲網民支持，更直指「走寶」，表示鴨殼用途甚多：「呢啲先至係好嘢！」、「唔浪費，又明碼實價，啱咪買囉。」

酒樓賣片皮鴨殼每隻$20 港男疑不滿賣「廚餘」直斥「賺到盡」

最近，有網民於Facebook群組「香港茶餐廳及美食關注組」發文，指發現有連鎖酒樓出售外賣片皮鴨殼，每隻$20，該網民疑不滿酒樓賣「廚餘」，直斥「酒家真係賺到盡！」

網民唔撐反指走寶：明碼實價又唔浪費仲想點？

惟樓主「圍爐」失敗，帖文一出後網民反撐酒樓，表示此舉是雙贏：「咁都唔係嘅要成本嘅，唔想浪費個食物啫」、「無變壞，$20真係平過買份豬肉」、「物盡其用而己」、「唔浪費，又明碼實價，啱咪買囉。」、「香港人又唔抵得，要唱衰佢」、「唔使浪費食物酒樓又有多啲收入，雙嬴幾個好。」、「不浪費食物，象徵式收20蚊無問題。」

不少網友指鴨殼用途甚多，直指樓主「走寶」，直呼：「呢啲先至係好嘢！」除了酒樓列出的3大煮法，包括涼瓜炆、茄瓜炆、薑蔥爆外，亦有網友分享鴨殼的其他煮法：「其實好多肉㗎！你以為真係得個殼？用嚟煲粥或者煲湯，隻味道一流，鹽都唔使加。」、「凉瓜炆、芋頭南乳炆、椒鹽、辣椒醬爆都掂！」、「加雪菜肉碎粉絲煮湯」、「煲粥都好食。」、「一鴨三吃是常識吧。」

來源：香港茶餐廳及美食關注組@ Facebook ；文：M