酒楼卖$20/只片皮鸭壳港男斥「赚到尽」网民唔撑反指走宝：明码实价又唔浪费仲想点？

更新时间：16:01 2025-03-25 HKT
发布时间：16:01 2025-03-25 HKT

片皮鸭是不少中菜馆、酒楼的招牌菜式之一，近期有连锁酒楼将鸭肉切走后，将剩余的鸭壳以每只$20出售，有港男对此举看不过眼，发文直斥酒楼「赚到尽」，惟帖文一出未获网民支持，更直指「走宝」，表示鸭壳用途甚多：「呢啲先至系好嘢！」、「唔浪费，又明码实价，啱咪买啰。」

酒楼卖片皮鸭壳每只$20 港男疑不满卖「厨余」直斥「赚到尽」

最近，有网民于Facebook群组「香港茶餐厅及美食关注组」发文，指发现有连锁酒楼出售外卖片皮鸭壳，每只$20，该网民疑不满酒楼卖「厨余」，直斥「酒家真系赚到尽！」

网民唔撑反指走宝：明码实价又唔浪费仲想点？

惟楼主「围炉」失败，帖文一出后网民反撑酒楼，表示此举是双赢：「咁都唔系嘅要成本嘅，唔想浪费个食物啫」、「无变坏，$20真系平过买份猪肉」、「物尽其用而己」、「唔浪费，又明码实价，啱咪买啰。」、「香港人又唔抵得，要唱衰佢」、「唔使浪费食物酒楼又有多啲收入，双嬴几个好。」、「不浪费食物，象征式收20蚊无问题。」

不少网友指鸭壳用途甚多，直指楼主「走宝」，直呼：「呢啲先至系好嘢！」除了酒楼列出的3大煮法，包括凉瓜炆、茄瓜炆、姜葱爆外，亦有网友分享鸭壳的其他煮法：「其实好多肉㗎！你以为真系得个壳？用嚟煲粥或者煲汤，只味道一流，盐都唔使加。」、「凉瓜炆、芋头南乳炆、椒盐、辣椒酱爆都掂！」、「加雪菜肉碎粉丝煮汤」、「煲粥都好食。」、「一鸭三吃是常识吧。」

来源：香港茶餐厅及美食关注组@ Facebook ；文：M