均香餅家跨區攻入港島開限定店！人氣爆餡糯米糍現場即包限定推開心果流心菠蘿油懷舊小食雞仔餅都有！

更新時間：15:41 2025-03-21 HKT
發佈時間：15:41 2025-03-21 HKT

深水埗老字號「均香餅家」攻入港島開限定店！店內不但供應人氣爆餡糯米糍，全部都是現場即包，更推出限定開心果流心菠蘿油，將厚牛油蘸滿滿開心果醬，再夾入菠蘿包，相當吸引。同場亦會售賣雞仔餅、牛耳、蛋散、米花糖等懷舊小食，以後港島區街坊想食就方便得多！

回顧早前報導：深水埗均香餅家開心果月餅爆紅！開心果流心餡/忌廉芝士味日賣600個 YouTuber變老字號老闆：食住熱潮！

均香餅家跨區攻入港島開限定店！45年老字號轉戰太古

已有45年歷史的深水埗老字號「均香餅家」，自從由店二代爆江師傅接手主理後搞作多多，除了保留傳統港式唐餅外，亦不斷推出創新美食以貼合年輕人口味，如開心果角仔、開心果糯米糍等，獲「開心果關注組」成員力推。早前跨區於中環街市擺檔，吸引大批本地市民及遊客慕名排隊，足見人氣！

均香餅家人氣爆餡糯米糍現場即包+限定推開心果流心菠蘿油

最近均香餅家轉戰太古，期間限定店由3月20日起，進駐於太古城中心日本百貨商店APITA，從APITA專頁發佈的影片可見，均香餅家首日開店已大排長龍，勢頭十足！店內同樣供應自家名物爆餡糯米糍，口味包括開心果（$15）、朱古力榛子（$15）、黑芝麻（$10）及花生（$8），均是即叫即包，當中必試人氣開心果口味，包入飽滿開心果夾心餡料，再沾上開心果果仁碎，煙韌軟滑，口感豐富！

店內更推出限定菠蘿油系列，口味分別有開心果（$20）、榛子朱古力（$25）、黑芝麻（$20）、花生醬（$20）和芋泥（$25），將厚牛油蘸滿滿醬料，造成流心效果，再夾入菠蘿包，相當吸引！

除了新式美食，店內亦有供應多款懷舊小食，包括雞仔餅（$35/半磅）、牛耳（$40/半磅）、蛋散（$40/半磅）、米花糖（$40/六安士），鍾情傳統風味的不可錯過！

均香餅家太古期間限定店