深水埗破底價湖北蛋$20/30隻！網民實測無壞蛋/蛋黃偏橙色旺角/牛池灣都有？網友驚訝：10幾20年冇見過咁平！

深水埗破底價湖北蛋$20/30隻！網民實測無壞+蛋黃偏橙「廿幾年冇見過咁平！」旺角/牛池灣都有平價蛋？

更新時間：16:09 2025-03-10 HKT
發佈時間：16:09 2025-03-10 HKT

香港生活物價高企，不少港人都希望從衣食住行著手，慳得就慳，減省開支。近日有網民於網上群組分享超抵買餸資訊，表示深水埗基隆街一帶有攤檔以$20/30隻「破底價」販售湖北雞蛋，實測後未有發現壞蛋，令他不禁驚嘆「十幾廿年冇見過咁平」。除了深水埗之外，有網友亦發現旺角街市、牛池灣及大圍出現類似價錢的雞蛋，比平常逾$30/30隻更為實惠！。

深水埗超抵湖北蛋$20/30隻網民實測無壞蛋/蛋黃偏橙色

點擊睇深水埗超抵湖北雞蛋實測無壞蛋：

平時到超市購買一盒10至12隻雞蛋，大約售$20起，而以同樣價錢竟然可以買到30隻雞蛋？最近，有網民發現深水埗基隆街一檔攤販以超抵價出售湖北雞蛋，一盤30隻只需$20，而$39就可以買到兩盤共60隻雞蛋，平均每隻最平$0.65，就連男事主也不禁表示，「十幾廿年冇見過咁平」。

為了解開一眾網友的好奇心及疑慮，男事主入手一盤湖北雞蛋進行實測。他打開了8隻雞蛋，發現蛋白與一般雞蛋無異，當中亦沒有雞蛋變壞。至於蛋黃方面，男事主發現其中3隻較明顯為橙色，其餘的則為偏橙，並非黃色。

網友發現旺角及牛池灣同現平價蛋

對於男事主的發現，有其他網友同時發現旺角街市、牛池灣以及大圍檔攤也有同類的平價雞蛋，旺角街市及牛池灣定價同為$20/30隻，至於大圍曾出現$18/30隻，價格更便宜。有網友擔心平價出售是出於不夠新鮮，提醒大家買蛋時可留意蛋殼，「要留意下蛋殼有無起一點點，可能係無咁新鮮」。不過，有網友則認為大驚小怪，「住係深水埗嘅街坊早就知，而蛋價已經開始加咗一兩蚊」；也有網民表示現時比過往便宜，「平咗，一直買開$30-$32/排30隻」、「係超市賣得貴」。

文:RY

資料及圖片來源：超市關注組@Facebook