深水埗「天價」豬潤米連凍飲盛惠$77！食客轟「唔明有咩好食」 網民嘲：食店自殺式行為
更新時間：18:32 2024-05-24
發佈時間：18:32 2024-05-24
發佈時間：18:32 2024-05-24
字體大小
提到港式粉麵，除了魚蛋粉、牛腩河之外，老宇號茶餐廳供應的「豬潤（豬肝）麵」同樣深受食客歡迎。不過最近有網民在社交平台分享深水埗一間麵店，散叫一碗豬潤蛋米及凍檸茶全單盛惠$77，直言「唔明有咩好食」，引來不少網民批評價錢太貴，「有乜辦法唔返屋企自己煮」，亦有網民稱餐廳明碼實價，「 明知鬼到飛起又唔抵食，你仲要食，食完又要呻」。
深水埗「天價」豬潤米加凍飲盛惠$77！食客轟「唔明有咩好食」
有網民日前在深水埗一間麵散叫一碗豬潤蛋米及一杯凍檸茶，全單盛惠$77。（圖片來源：香港茶餐廳及美食關注組）
有網民日前在社交平台群組「香港茶餐廳及美食關注組」發文，表示因為有朋友請客，決定光顧深水埗大南街一間麵店，當時他散叫了一碗豬潤蛋米及一杯凍檸茶，全單盛惠$77，由於豬潤麵為該麵店其中一款招牌菜，但事後樓主直言「唔明有咩好食」，又稱「試一次就夠」，似乎對味道頗為不滿。
從樓主上傳的圖片所見，豬潤蛋米約有4塊招牌厚切豬潤及一隻太陽蛋。翻查餐廳的餐牌，由於不設套餐，單叫豬潤麵加太陽蛋每碗價錢為$56，而凍檸茶則要價$21，合計$77。
網民批貴得離譜：講真好過去搶
帖文一出，隨即引來不少網民留言討論，有曾光顧同一餐廳的食客亦表示食物質素一般，部分網民認同餐廳的定價太過進取，認為「講真好過去搶」、「物非所值！」、「咁嘅價錢，有乜辦法唔返屋企自己煮」、「賣相都唔錯，太真係太貴啦」。
另一方面，也有網民認為餐廳在餐牌上清楚列出價錢，決定是否光顧餐廳為個人選擇，嘲「而家碗嘢含好重智商稅喺入面」、「唔識煮食/懶煮，就預左要出去俾人劏」、「我都唔明， 有價錢牌寫到明， 明知鬼到飛起又唔抵食，你仲要食，食完又要呻，真係畀你吹脹！怪得邊個？」
同場加映：香港機場$150飛天價雲吞麵！港男怒轟缺1靈魂食材 另設隱藏收費網民同情：當交學費
---
緊貼最新最快新聞資訊，請立即下載星島頭條App：https://bit.ly/3Q29Vow
最Hit
父親節丨70歲八両金與兒子另類方式慶祝 八両仔顏值有驚人變化令網民詫異
2024-06-16 14:20
何伯疑獲子女隔空祝父親節快樂！首次未能與父過節 斥何太罪孽深重：望他早日遠離
2024-06-16 21:55
