中環IFC $88即包雪米糍皮肉分離被批不值 網民：根本就係幫佢交租
發佈時間：16:18 2023-03-15
中環IFC即包雪米糍｜The Grand HK旗下甜點品牌「Boutique by The Grand」早前於中環IFC Mall開設快閃甜品店，並推出即叫即包雪米糍。煙韌麻糬皮裹着手掌大的自家製雪糕，成品脹鼓鼓又圓碌碌，吸引不少foodie特地前往打卡。不過近日就有網民在「香港雪糕關注組」分享自己在中環IFC光顧該店的經歷，批評即包雪米糍「皮肉分離」，「完全唔值$88，仲要購買體驗超差」。
事主對中環IFC $88即包雪米糍2大控訴
事主對該店即包雪米糍的定價頗有微言，對於定價$88港元的日本四國白桃雪糕，他直言「可能佢嘅材料真係靚，但食落真係冇乜特別」，也認為將即包雪米糍裝入紙杯變相抹去了雪米糍的特色，稱「用羹食加埋件事根本就皮肉分離，好似獨立食緊兩樣嘢咁」。
另外，事主也表示店員「各司其職」的做法影響食客購買體驗，因為選好雪糕之後，事主又被要求「兜一個大圈行去後面俾錢」，兼需要重複一次自己想買什麼雪糕，完事後「又兜個圈行返去個雪糕櫃」。
網民留言：根本就係幫佢交租
事主將經歷分享至「香港雪糕關注組」後，帖文隨即引起熱議，網民紛紛留言道：「根本就係幫佢交租」、「齋睇圖以為葵廣，失覺晒，上平台食件cake仲有得坐住睇下海景冇咁嬲」、「咁樣88蚊好過去搶」、「仲貴過係迪士尼食Omg」。
Boutique by The Grand回應
就網民的質疑，星島頭條向Boutique by The Grand作出查詢，Boutique by The Grand指即叫即包的形式原意是想食客品嘗到最新鮮的糯米皮，感受其煙韌軟糯的口感。店方選用日本白玉粉，廚師每日都會新鮮製作雪米糍皮，再分時段運送到門店，以確保食物品質。考慮到雪米糍的特色，店方亦選用了叉羹合一的餐具，方便食客同時品嘗麻糬皮和雪糕。至於價錢則取決於食客的選擇，店內提供多款用上優質原材料自家製作的雪糕予客人選擇，而期間限定的日本四國白桃本身原材料成本較高，所以相較$70的普通雪糕款式會稍微貴一些，定價為$88。
圖源：Facebook群組@「香港雪糕關注組」
延伸閱讀：港女呻Five Guys一餐$2XX不值 網民：太貴就唔好去 (附英文點餐教學)
點擊睇 港女呻Five Guys一餐$2XX不值
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
