陳慧琳預告上張家輝紅館騷𢭃利是 不捨愛兒將離港升學失控爆喊
發佈時間:19:46 2026-11-22 HKT
陳慧琳(Kelly)今日(22日)到馬場出席活動,她甫與陳豪見面就密密傾。她指,兩人多年前合拍《她一定很愛你》MV,之後再無見過,故見面就問候對方。提到陳豪唱歌叻,Kelly也希望同跟對方合作拍戲、拍電視、合唱,「兩人去飲咖啡都得!」提到張家輝稍後開紅館騷,她表示一定去撐首席師弟「蔡辛強」(張家輝在電影《贖夢》中的角色名字),又爆對方現時每日練歌、練舞好進取,笑言怕到時被蔡辛強搶走她的嘉賓位置,令她不能上台向觀眾𢭃利是:「我都諗住去𢭃利是,因為係初一至初三,點都會去。(你唔係表演,你要派!)咁呀,咁我死都踩一踩台先!」續透露,張家輝常為演唱會開會好勤力。至於她到時是否又會扮「垃圾婆」(《贖夢》謝票場,陳慧琳扮鬼扮馬撐場)上台畀驚喜觀眾?Kelly說:「會有啲唔同,唔係陳慧琳上台,唔知以乜嘢嘅身份上台,(扮農夫演唱會中的玲玲姐?)琳琳姐都可以,家輝哥構思緊!」
陳慧琳慨嘆借衫困難
早前Kelly表示,正為兒子劉昇預備大學入學面試,她指進行得「八八九九」,順利的話,兒子預計下年八月離港升學,要好好珍惜相處時間。問到時會因不捨而哭?Kelly說:「肯定!我一定喊,未走經已喊定先,(你唔似!)我係㗎,好易喊,好重情㗎嘛!」另外,梁思浩早前爆Kelly約20年前,借了一條價值37萬綠色吊帶裙出席活動,助手還衫時發覺裙有污漬,當Kelly知道無法洗掉後,為保公關職位,Kelly即全數付款買裙。梁思浩表示,之後香港品牌界的公關,無論任何牌子衣服都會借給Kelly。提到此事,Kelly表示經常發生:「如果PR係借咗啲貨畀我,污糟真係要自負,但如果係sample就唔使,(咁多年畀咗幾多錢?)嘩,唔好提呀!好傷心呀著一次,好hurt呀!」她表示,衣服最後會義賣,但做Show的衣服,通常無人買。對於有指,她一開口,所有品牌都會借衫,她笑說:「係咩?我今日都好難搵喎呢套衫,唔知點解一要嗰個色就全條街都冇,(呢套私伙?)係呀,呢個買定諗住新年嗰陣著,點知用到,(講完之後應該好多人借衫畀你!)咁借多啲啦!」

















