女神配對計劃2|何沛珈和Oscar過完夜感情突飛猛進  坐過山車嚇到面青  男方拍大髀呵番

更新時間:21:00 2026-11-22 HKT
發佈時間:21:00 2026-11-22 HKT

《女神配對計劃2》今晚(22日)播出第十二集,6位女神(排名不分先後):何沛珈(Roxanne)、陳若思(Amber)、郭珮文(Juliana)、阮嘉敏(Mandy)、俞可程(Kanis)及陳星妤(Yvette)再度尋愛,而Oscar方智弘與何沛珈Roxanne自從經歷了「甜爆蘋果之夜」,二人關係出現驚人進展!

Oscar寸爆何沛珈?

一向怕醜的Oscar一反常態約會Roxanne,不過由於二人太愛打鬧鬥氣,結果竟選了望落極刺激的「小丑過山車」。為人細膽兼甚少玩機動遊戲的Roxanne,臨出發前還口硬指自己經歷了水上瀡滑梯後,人生已冇嘢好驚,豈料遭Oscar「零秒寸爆」:「上次(瀡滑梯)你係唔應該驚架,然後(仲要)喊咗咯。」

相關閱讀:女神配對計劃2|何沛珈與Oscar零偶包上演蘋果談情 俞可程聞Zico曾萌生退賽念頭即場爆喊

Oscar坐過山車呵護何沛珈

豈料,Roxanne還未坐上過山車,已連嗌兩次「好驚呀!」,結果原本自己都好驚的Oscar,只能扮唔驚:「我都好驚呀,但佢又好驚喎,咁我做男人都應該要扮得唔係咁驚,等佢唔係咁驚。」 為了安撫Roxanne,Oscar全程做到足,除出發前著Roxanne「唔使驚,有我喺度」外,當見到Roxanne 一上車已嚇到花容失色兼連環尖叫,即伸出手讓Roxanne捉實;之後縱然自己都驚到狂嗌,仍盡全力關注Roxanne,不時望向女方之餘,中途見Roxanne嚇到「聲都冇埋」,一度在車速減慢時,爭取時間慰問及嘗試幫助Roxanne:「我keep住同你對話會唔會好啲?」、「你闔埋眼先,好快(完)」、「你o唔ok?」、「有冇唔舒服」,又出手拍打Roxanne 大髀及膊頭予以安慰。

何沛珈因Oscar關係感溫暖

Oscar的細心溫柔,令坐車時嚇到「失聲」兼面都青埋的Roxanne,事後坦言感到溫暖:「我覺得佢關注點喺我身上,而唔係淨係自己enjoy,我覺得warm 嘅。」而向節目組透露自己零追女仔經驗的Oscar,整個約會除盡顯細心暖男面,又不時主動探問Roxanne喜好,與Roxanne傾偈期間又表現得用心聆聽,與之前的「怕醜仔」形象成強烈反差。 Roxanne 與 Oscar 還趁今次單對單約會,直面積累已久的「Emo」心結,她更透露曾因情緒問題,一度變得相當不理智,令Oscar聽畢大感心痛。

相關閱讀:何沛珈拍《女神配對2》未搵到對象自嘲「單身狗」 林淑敏叫 : 返嚟我身邊  爆拍新劇緊張到腳震懷疑收錯通告