方力申慈善游籌千萬破紀錄 捱到第6個鐘險暈 念家人靠意志力撐 湊成「好」字太太或封肚

更新時間:01:46 2026-11-22 HKT
發佈時間:01:46 2026-11-22 HKT

方力申(小方)昨日(21日)完成港澳慈善游後,隨即參與「浪接浪港澳群星慈善音樂會」,完場前他與好友側田、劉浩龍及小肥合唱時,4人更high爆落台與現場觀眾作近距離接觸。眾人演出後,大會宣布今次共籌得1000萬,而小方更以8小時37分24秒,成功挑戰健力士世界記錄成為「香港至澳門游泳用時最短(男性)」記錄保持者。

方力申成功挑戰健力士世界記錄

小方在完騷後受訪,雖然他表現得精神奕奕,但他指現在頭赤赤,吞口水也會痛,嘴裏仍感受到鹹味,更指開騷前看著膊上的紋也會郁,但雙腳現時就好一點,因為游到一半的時候,雙腳感覺屈曲不到。又謂游到第六小時,有一刻覺得自己捱不住,若然暈倒,覺得沒有人會救到自己,即時想起老婆最初指因仔細老婆嫩,叫他不要游:「嗰陣時我仲同佢講,有冇搞錯呀?難得有人需要我,我能力可以幫到人嘅時候,梗係要游,但游到嗰時我已經話唔得喇,真係要聽佢講,游唔到第二次。」他指,完成完全是靠意志力,因為有很多人在看直播,自己唔衰得,又幻想媽媽、太太及女兒在岸邊等他上岸的時候,所以不停跟自己說要繼續游。

方力申不滿意成績

至於是否滿意這次的成績?他坦言以時間來說並不特別滿意,但今次難過七年前45公里的環島泳:「今次35公里,其實好大浪,咁亦都可能我真係會游多過35公里。第二係一跳落去嘅時候,頭一個鐘頭已經好大浪,消耗咗我好多體力。即係環島泳嘅時候,頭三個鐘我覺得我好似冇游過咁,因為啲水比較靜;但今次游完第一個鐘已經攰。」小方坦言游到六小時,自己凍到震,就算在海上拿着水也在震,但也要補給,所以這一次真的受到嚇驚。問到是否不會再有下次?他說:「我諗唔會喇,我老婆成日話我近50多個40 ,搞咁多嘢做乜?」

方力申父親中風後行到十幾步

問到上岸的時候,女兒是否不認得他?小方指那時候她剛睡醒;剛才女兒也有在後台飲奶,也想讓他抱。至於太太葉萱懷着第二胎也來撐他,小方表示,太太、媽媽早上也跟他一樣五點起床,看到她們在廚房為自己煮早餐,和補給喝的肉碎粥,畫面很溫馨;而游完後也馬上打電話給正在醫院休養的方爸爸,爸爸也表示有收看。至於方爸爸現時的狀況,小方指爸爸右手可以舉高,只是中風後握緊的能力差一點,而有姑娘扶住,也企得直和行到十幾步。醫生指爸爸比預期康復得快及有進步,樂觀的話預計可以回復八成,同時表示看他聖誕前是否能夠出院:「佢而家企得唔穩,坐得唔穩,返到屋企唔夠人手照顧,反而會令到佢有跌低嘅風險,同埋而家屋企開始要改裝,改到係佢適合住嘅房間。」

方力申不敢相信第二胎是仔

至於爸爸是否知道又做爺爺?小方指當然知,太太剛懷孕的時候已跟家人說;亦指方爸爸中風後時空交錯,所以經常會問他是否經已知道性別:「我拍嘅片真係特登去到醫院,一家人喺現場由女兒去揭曉,都好開心。」對於今胎是仔,小方直言不敢相信,以為也是女:「我睇好多外父相,又話生完第一胎,第二胎好大機會都係女,好多呢啲理論,同埋又話鹼性酸性,我從來都係食肉,所以我成身都係酸,都冇諗過係會生仔。」

方力申太太或封肚

方力申笑言,當刻知道後的反應是,想想自己日後如何做人:「女可以話一路溺愛到尾,但如果一個係仔,就唔可以,一定要嚴。而家要分身,好難,個仔會睇到我好偏心,所以要向多啲人取經。(搵阿Bob?)佢有第一時間恭喜我,話有家姐有細佬非常好,(會唔會挑戰阿Bob生四個?)你哋講得好啱,另外一樣嘢係以前有講生三個,太太話生唔算特別痛,但懷孕過程作嘔、腰痛嗰啲令到佢好辛苦,佢今次懷孕又係咁。佢話如果係仔就唔再生,如果係女就再算,但而家係仔,遲啲就要再𠱁吓先。(你想唔想勁過Bob?)咁又唔好,我年紀都大,但有小朋友感覺真係好唔一樣,而家我個女就嚟一歲,我好掛住佢好細個、頭髮好少個樣,真係會好掛住呢啲時刻。」

方力申兩年抱兩湊成「好」字 

對於他兩年抱兩好勁,小方指這是計劃,因自己年紀也不少,就算犀利也是太太。至於如何獎勵太太?他表示太太不需要獎勵,只需要他多點時間陪屋企,所以若家庭與工作有衝突的話,自己也會選擇家庭。另外,對於他成功挑戰健力士世界紀錄,小方坦言有記錄當然開心,但最希望的是大家能夠記得他游的出發點是為了慈善。問如何獎勵自己?他表示最需要就是要多謝台前幕後的工作人員,及參與演出的所有人,雖然自己一個人游,但背後其實有很多人在幫忙和支持自己。