伍詠薇罕展脆弱 痛憶母癌逝24年難釋懷 翁江培突猝逝嫁13日變未亡人嘆上天殘忍:劇本寫得太難
發佈時間:09:00 2026-11-22 HKT
「伍姑娘」伍詠薇主持的HOY節目《九運會客室2》日前播出最後一集,今次伍詠薇由主持變身嘉賓,接受拍檔李凱賢(Brian)專訪。向來予人樂觀豁達、大情大性印象的伍詠薇,在節目上罕有展現脆弱一面,重提2002年母親患癌離世時更激動落淚,直言至今24年仍難以釋懷,當年甚至一度萌生離開世界的念頭:「我媽媽好多地方流血,呢個係我人生最難過嘅一個畫面,我接受不到,到今日,我都接受唔到,但係我好愛我阿媽,為咗佢,我更加要好好生存。」
伍詠薇前半生宛如一齣高潮迭起肥皂劇
今年57歲的伍詠薇,回望前半生宛如一齣高潮迭起的肥皂劇,伍詠薇經歷過多次生離死別,除了2002年喪母之痛外,她亦有重提18歲喪父,與及當年只有21歲的伍詠薇,首任丈夫翁江培在婚後13日突然猝逝,結果她不僅背負「剋夫」惡名,更被謠傳私吞1.7億巨額遺產,飽受全城流言蜚語攻擊:「最誇張係喺殯儀館,有一個女人企咗喺度,可能佢哋真係相愛過,由門口跪到佢張相面前痛哭,跟住仲好似女鬼咁望住我。」
相關閱讀:伍詠薇曾患抑鬱症提早交代身後事 怨好友疏遠:我啲朋友去咗邊 一原因鬧老友「黐X線」
剛經歷喪父之痛的伍詠薇,在1989年結識了比她年長31歲的安永會計師事務所高級合夥人翁江培 。翁江培對她愛護有加,更鼓勵她參選亞洲小姐,翌年的大除夕,兩人於麗晶酒店舉行矚目婚禮,伍詠薇正式嫁入豪門。豈料造化弄人,這段童話般的婚姻僅維持了短短13天。1991年1月13日,翁江培陪同伍詠薇前往深圳登台表演 。在登台期間,翁江培突發急性心肌梗塞,送院搶救後宣告不治,猝然離世 ,新婚燕爾瞬間變成未亡人,年僅21歲的伍詠薇不單精神崩潰,更可怕的是,翌日大批傳媒瘋狂追訪,外界更盛傳她私吞亡夫留下的1.7億港元巨額遺產,令她一夜之間背負「剋夫」、「貪財」及「劏豬凳」的惡名 。在訪問上,伍詠薇亦有重提這段婚姻:「而家你問返我,今日睇返嗰13日嘅婚姻,我覺得係唔夠時間同埋全部都是開心的。曾經喺以前嘅訪問我都只係講係開心,唔會講其實我係有悲傷,嗰啲悲傷其實已經太耐,好多畀日子沖洗咗,記得只係得快樂嘢,結咗婚之後,其實大家仲諗緊屋企點裝修,跟住去邊度玩,甚至期待生小朋友。但係13日唔夠囉,佢乜都冇講就走咗,你問我嘅話,啱啱係21歲,人生經驗唔多要處理呢啲問題,你只係傷心。」伍詠薇續說,「而家睇返,人生就係一場遊戲一場故事,呢個故事寫得太、上天寫得太殘忍,唔係,上天安排嗰啲對手,嗰啲演員太強喇,嗰啲臨時演員最多,就係唔識我嗰啲人。我第一任丈夫離開之後,我要面對嘅新聞就係全香港雜誌嗰啲封面啦。」
上天對伍詠薇的考驗並未停止。在2002年,與伍詠薇感情最深厚的母親被診斷出肺癌晚期,醫生斷言僅剩三個月壽命。在母親生命最後的日子裡,伍姑娘放下了所有工作,每日守候在病床前:「我媽咪臨離開嘅時候,媽咪係辛苦,因為Cancer。而佢瞓喺張床,因為佢唔想畀我哋睇到佢唔舒服,所以背住我哋瞓覺,我同佢講我會乖,我會咁樣做人、咁樣生活,我知佢始終都會走,但希望走得舒服。」伍詠薇知道媽咪最愛的歌曲〈紅顏〉,便每天在病床邊清唱:「到9月4號,我預備上《獎門人》。我喺中環突然間收到噩耗電話,話我媽咪唔得,我哋三兄妹到咗,眼淚控制唔到。我媽咪coma(昏迷)又半醒,佢應該知道我哋喺度,去到半夜,我見到佢塊面好多血流。」這血淋淋的畫面,最讓伍詠薇至今無法釋懷的,成為了伍詠薇一生中揮之不去的夢魘。她坦言,母親的離世讓她至今仍無法接受,甚至曾一度萌生自殺、離開這個世界的念頭:「呢個係一個過程,我明白人係有生老病死,只不過,每個人對於家庭每一個成員嘅感覺都唔同。呢個畫面好震撼。同埋我唔想見到嘅。其實雙相親嘅離開同埋,我第一任丈夫嘅離開,我係好多嘅好多嘅心喺度,離開好難過㗎,雖然知道生病死係要發生,但係個天真係太急喇俾啲嘢我,而家到咗50幾歲人諗返轉頭,人生功課就係咁樣㗎喇,佢哋都想你過得好嘅,咁咪好咁做人囉,好咁做自己,真係唔好愛得太遲。」
相關閱讀:葉子楣爆曾秘戀伍詠薇亡夫狂打茄輪 指翁江培讚其一部位軟熟 伍姑娘流淚:你搶我嘢?

















