張與辰童年缺乏父愛因「細粒」遭欺凌 赴台追夢遇詐騙集團戶口剩百元:點解唱歌換來咁多痛苦?

更新時間:17:00 2026-11-21 HKT
發佈時間:17:00 2026-11-21 HKT

TVB節目《中年好聲音3》亞軍得主張與辰(Vic),曾透露悲慘成長經歷。近日現身網上頻道《有艇搭》訪問,再度提起缺乏父愛的童年,以及曾受到校園欺凌、赴台追夢卻遭詐騙集團捲走血汗積蓄,人生一度陷低谷,試過抑鬱自殘。

張與辰單親家庭長大

單親家庭長大的張與辰,有指童年時因父親沉迷賭博,加上酗酒及家暴,最終由媽媽照顧張與辰長大。張與辰近日接受資深傳媒人黃庭桄訪問,被問到不愉快的童年,張與辰坦言:「其實我覺得呢,雖然屋企係冇咗、冇咗爸爸呢個角色。不過媽咪呢係……照顧我哋、照顧得非常之好。所以佢唔會令到我哋覺得,好似喺屋企係缺乏愛呢件事情。所以呢樣……我自己都覺得係一件好幸福嘅事。」

相關閱讀:張與辰圓夢與《全美一叮》總冠軍合作 生日許願辦個人巡迴演唱會 秘婚JW王灝兒在演出名單中

相關閱讀:張與辰二創張國榮經典封面以「烏蠅」致敬 被轟醜化哥哥 發長文解畫「哥迷」唔收貨

張與辰反叛武裝自己

沒有父親陪住成長,張與辰在中學時更成為校園霸凌的對象。張與辰「直至到返中學嘅時候,因為我以前其實好細粒,所以以前細個容易俾人恰啲。但嗰陣時我通常會抱住一種心態,『我恰人先,人哋就唔敢恰我喇!』所以有一期變得比較叛逆、變得比較壞。」直到現在反映在做音樂或者舞台表演上,要「先下手為強」。

張與辰受騙食飯都成問題

只有41歲的張與辰,於2015年赴台灣追夢時,原本滿懷音樂抱負,豈料遇人不淑:「去到2015年,可以話係我過去咁多年嚟最黑暗嘅歲月。嗰時我去咗台灣發展,原本諗住可以好好做音樂,點知遇到個合作方,原來佢哋係詐騙集團。佢哋將我好多嘅積蓄,仲有其他投資者嘅錢都騙走晒,成個團隊捲款而逃。嗰一刻我成個戶口真係被騙到得返台幣100蚊(約港幣25元),連食飯都成問題。」

相關閱讀:張與辰15字剖白與K先生關係 相交16年曾一齊開設公司 公開感恩好友捱出頭:是一種福氣

張與辰聲帶受損陷抑鬱

此時,張與辰又因壓力過大,導致聲帶受損而雪上加霜,陷入無法唱歌的絕境。在失去生計與夢想的雙重毀滅性打擊下,張與辰患上抑鬱症,甚至以自殘方式折磨自己:「點解鍾意唱歌呢件事情,會換來我咁多痛苦呢?明明係一件好快樂嘅事情。」

張與辰曾考慮返家鄉發展

張與辰因為事事不順,曾打算今年3月便離開台灣,返回家鄉馬來西亞協助家人打理飲食業生意:「本身諗住唔再做音樂,覺得玩咗咁耐都夠啦,返去幫下屋企人嘅生意,得閒先寫下歌。」後來獲得同鄉歌手戴佩妮施以援手,讓張與辰重新燃起鬥志,其後參加《中年好聲音3》,並留港發展。

相關閱讀:《中3》張與辰腹部劇痛緊急送院交代病情 腎石塞尿道加一病夾擊 今做手術公開最新情況