黃浩然明日孖周潤發蔡一智行20km 澄清婚後「絕情」拒留女星電話 : 現在當然有 吳業坤伍富橋組隊挑戰100km

更新時間:15:22 2026-11-20 HKT
發佈時間:15:22 2026-11-20 HKT

黃浩然、吳業坤、方紹聰(奶仔)和伍富橋今日(11月20日)出席樂施毅行者活動。黃浩然和吳業坤擔任起步跑儀式嘉賓,而吳業坤、方紹聰(奶仔)和伍富橋及隊友則組隊參加100km毅行者賽事。

黃浩然望藉發哥號召力籌更多款

黃浩然接受《星島頭條》訪問,表示他會參加明天的「50周年特別版」毅行者20km賽事。記者笑言,即是初級版?他回答:「我呢個係50周年特別版暨周潤發先生一齊玩版。」他坦言,完成100km對普通人不是容易的事,所以增設20km賽事也可以吸引更多市民參與。他也補充:「亦都吸引到發哥啦。」他透露明天除了發哥和他及教練,蔡一智也會參加。「成個跑會有5隊,會一齊行。」黃浩然笑言,到時大家都是跟隨發哥的帶領。「(唔係應該由你開路?)唔使㗎,可能係發哥幫我開路,哈哈哈。」他續說,覺得幫活動宣傳之餘也要做榜樣,說:「希望藉由發哥嘅號召力,令更多市民捐多啲錢。」

黃浩然覺得應該公私分明

早前黃浩然接受周國豐網上節目訪問時,談及早年結婚絕情對待女星,不會有女星的電話。他也解釋:「好似好高傲咁,唔係嘅。因為我啱啱入去一個新環境,亦都啱啱結婚,亦都好忙,我嘅意思係咁,即係冇時間應酬。收工要返屋企,盡量都冇諗咩電唔電話,就淨係工作。」他續指,只是早年覺得應該公私分明,下班就將時間放在家人上,才會令大家產生錯覺。記者追問,現時有女星電話嗎?他笑言,現在當然有。

吳業坤忙湊老婆

吳業坤、方紹聰(奶仔)和伍富橋接受《星島頭條》訪問,眾人指他們參加毅行者是因為奶仔先提議。伍富橋說:「我參加咗三次,過往都完成到。」奶仔說:「我都完成到嘅,記得有一年同坤哥都用咗30個鐘。(今年目標?)我哋年紀都大咗,大家又有嘢忙。坤哥有咩忙?」坤哥說:「湊老婆。」奶仔說:「我就趕住返屋企玩GTA,所以希望今年快少少。」為什麼不參加明天「發哥賽事」?他們笑言,作為後輩先「搞旺個場」,留待發哥做壓軸!