陳曼娜自爆被圈中人跣接貨損手 隱形富婆揭揀租客防騙秘笈:一睇背景就知全部係流嘢
發佈時間:19:25 2026-11-18 HKT
陳曼娜(Manna姐)向來投資有道,是圈中公認的「隱形富婆」,她曾坦言自己不止一億身家。早前她接受新城電台節目《Ben 同 Benson chur 住傾》訪問,大方分享自己數十年來的物業與股票投資心得。陳曼娜在訪問中暢談如何靠自己投資致富,更罕有披露自己曾因輕信娛樂圈行內人的股票「貼士」而慘受教訓,並傳授獨門的買樓、租樓防騙秘笈!
陳曼娜單親家庭成長 立志靠自己賺錢
陳曼娜透露,自己並非含著金鑰匙出生,自幼在單親家庭長大,家境貧寒,因此很小便立志要自強自立。雖然她在多部電視劇中飾演豪門闊太(例如《十月初五的月光》的萬朱莎華),現實中亦生活富裕,但她強調自己今天的一切都是「捱出來的」。對於被主持人讚是富婆,她笑言:「我唔係好有錢,我只不過係……可以自給自足。我唔係小甜甜(已故富商龔如心)。」她自言是「好捱得」的人,全因年少家貧,因此自小有目標,一定要積穀防饑,為將來晚年作準備:「老咗做唔到嘢,我一定要有錢。」
陳曼娜談及早年在TVB的工作,笑稱單靠演員的收入實在難以養家是「公開的秘密」,坦言:「其實好多我們嘅同事,有啲去咗揸的士,好多去出面做 Part-time,唔可能靠呢啲錢養活自己,更何況一家幾口。」陳曼娜亦因此學識以投資方式儲錢以維持生計,繼續追尋演員夢。
相關閱讀:陳曼娜爆昔日TVB人工低工時長 登台笑粉絲「只認萬朱沙華」 跟修哥聚餐讚對方健康精靈
買股票慘交巨額學費 驚爆被圈中人跣
陳曼娜直言自己少女時期便接觸股票,但當時一竅不通,多年來在股市經歷了無數次金融風暴,更交了「巨額學費」。她特別提到,自己曾試過聽信行內圈中人的所謂「貼士」,結果慘遭對方「跣」了一鑊,幫人高位接貨:「股票真係好蝦人玩,因為唔係你做莊,到時變幻好大,好撞彩。我點解話股票……我唔蝕錢已經偷笑,因為我真係交咗好多好多嘅功課……以前我係亂咁買,人哋講咩,有時有啲朋友佢係莊家添,佢點你,佢(賣)出……佢就叫你買,即係顛倒嚟做,我瀨嘢啦!」至於該名圈中人的身份,她拒絕透露,僅表示:「都係圈裏面嘅人,影圈嘅人,唔熟唔食。」
經歷過痛失,陳曼娜如今在股市變得極為穩陣:「到呢十幾年,我開始精喇,因為我有耶穌。我就知道應該買邊啲,應該點樣出點樣入,我係好穩陣。」她亦奉勸身邊朋友,如果不懂得控制,最好不要碰股票。
相關閱讀:薛家燕陳曼娜新劇碰頭 《十月初五的月光》萬朱莎華Q姨相隔多年再同台 私下皆為富婆
陳曼娜買樓「只買不賣」 獨門揀客心法防「租霸」
相比起變幻莫測的股市,陳曼娜認為「買磚頭」才是最能自己掌控的投資方式。她早在 20 歲左右便買下人生第一層樓送給母親,並堅持「只買不賣、長期持有」的戰略。作為資深業主,陳曼娜最怕遇到「租霸」或破壞房子的惡客。她透露自己寧願將物業空置超過一年,也絕對要嚴格篩選租客:「我有間屋,因為我搵唔到好嘅客,因為我好驚嗰啲(租霸),我係揀租客,好似揀女婿咁樣。我又要求佢好職業,又要佢有錢交租。我唔想因為呢啲嘢令到自己……等陣佢租霸佢又唔交租,等陣又整爛間屋……我寧願擺,我真係擺咗年半。」
相關閱讀:陳曼娜否認欺凌楊思琦:我冇蝦佢 爆料商天娥有份 事件涉另一男星卻並非夏雨
陳曼娜租樓防騙秘笈:無工作證明與稅單免問
近年本港騙案頻生,陳曼娜直言近期在出租物業時,遇到不少出價極高、企圖設下租務騙局的騙子。她憑藉敏銳的直覺與豐富的經驗,一眼看穿對方的虛假背景,並分享了實用的防騙「看門口」方法:「最近我有一間(單位)……等咗半年,好多地產打嚟話有人租,又畀到好好嘅價錢。我一睇佢哋個背景,就知道全部都係流嘢嚟嘅,因為依家香港好多騙子。尤其呢啲租屋嘅人,第一,佢無一個工作證明,佢畀一啲……都係假嘅,因為又無公司嘅、或者公司又話喺外國,稅單又無。但佢哋嘅價錢係畀到足嘅,我情願唔租。」幸好堅持是有回報的,陳曼娜最後成功將物業租予背景優良、穩健可靠的國際學校教師,令她十分感恩。
相關閱讀:陳曼娜心臟科醫生兒子返港出席星級飯局 哈佛大學畢業婚後定居美國 老婆係外籍護士長

















