簡慕華拒公開「鹹豬手」行家身分:佢已經唔喺度 曾自爆遭非禮、躲避潛規則經歷掀熱話

更新時間:18:30 2026-11-18 HKT
發佈時間:18:30 2026-11-18 HKT

前TVB女星初出道在外地拍攝4日3夜旅遊節目時,曾遭同行男士企圖非禮:「佢無喇喇將隻手攝入我條褲裏面!我唔講邊個,講咗好易搵。」她透露當時藉詞返回酒店房間休息,對方竟聯同另一男子「護送」並企圖跟隨入房,幸好最終未有讓對方得逞。

簡慕華自揭秘密:嗰陣太後生唔識應對

簡慕華日前出席開幕活動,重提在節目自揭險遭非禮兼拒絕潛規則後被「封殺」一事。她解釋當天只是隨心分享,並非刻意安排的話題。回想事發時剛入行,年僅二十多歲,她坦言:「嗰陣唔知點樣去應對,我第一次嘛。唔識得搵方法,又唔知搵邊個,咁一路就藏咗喺個心入邊囉。嗰日咁啱撩起,又突然間記得,我先至講出嚟,基本上埋藏咗喺我腦海度,喺一個好深好深嘅櫃桶度。」

相關閱讀:簡慕華爆曾被非禮:隻手攝入我條褲裏面 兩男借醉送上房欲強吻 拒潛規則被「封殺」

簡慕華瞞住老公:我無講過畀人聽

簡慕華坦言連老公也一直不知道這件事:「你唔問我,我又唔諗呢,其實唔會記得,即係唔會刻意去記住囉。嗰日咁啱講起,我又無喇喇喺個腦海度浮現咗出嚟,我就記得喇。我老公唔知,出街佢先知,無人知,我無講過畀人聽。」被追問該男子是否圈中具勢力人士或當紅小生?簡慕華不願透露對方身份,只表示該男子「已經唔喺度」,並寄語後輩要學懂保護自己:「不論佢係邊一個都好啦,譬如我而家講出嚟,我係想畀啲後輩知道,如果有一日遇到,你要諗下要點應對囉。諗定點樣去應變或者處理。」

相關閱讀:簡慕華深夜Po落淚照:It's not always easy 移居加拿大近月多留港 早前自爆被非禮引迴響

簡慕華經歷被騷擾事件後因禍得福

經歷此事後,簡慕華表示自己變聰明了,學會了事前事後多想一步。她豁達表示沒有因此不開心:「嗰陣時個處理方法就係將佢擺埋一邊就算,其實反而好喎,因為我咁樣處理咗,唔影響我之後嘅工作。如果我一路係咁loop住記住,可能會影響咗我工作。」雖然她此後被調離綜藝組,沒有再拍旅遊節目,但她直言這反而更適合自己:「總之我淨係講個事實,就係我無再有任何旅遊節目拍。其實我鍾意戲劇組嘅,綜藝組係唔適合我,因為我唔係嗰啲可以即時爆肚咁talented嘅演員,我係純做戲嘅演員。」

至於被問到近日熱議的朱智賢聲稱拍節目被要求半裸一事,簡慕華直言沒有看過所以不作評論,但強調無論做任何行業,事前事後都要衡量承受壓力的能力,並提醒大家在現今壓力巨大的社會中,要時刻思考如何應對意外並好好保護自己。

相關閱讀:簡慕華談與戚其義關係 曾傳拍拖多年嫁圈外男友斷緋聞 一原因惹Brian質疑:阿戚係Gay?