胡鴻鈞任一日店長公開變靚心得 化身專科醫生為粉絲問診

更新時間:16:45 2026-11-17 HKT
發佈時間:16:45 2026-11-17 HKT

胡鴻鈞(Hubert)自出道以來,精緻的五官與日漸緊緻的輪廓一直是網民津津樂道的話題。日前,Hubert一身型格造型現身。面對多年來的「變靚仔」疑雲,他不僅沒有避談,反而大方回應,公開自己「越變越靚仔」的終極秘密!談到網民經常笑指他「變靚仔」,Hubert表示:「講真,我就真係唔覺得自己特別靚仔。我純粹係對於美容、護膚上係有少少心得,我係好注重自己嘅皮膚,我係工作到就算幾夜、幾攰、幾眼瞓,咩狀態都好,我都要洗乾淨塊面,搽晒所有護膚品先瞓,我係風雨不改,呢樣嘢絕對係「變靚」嘅重點,就係唔可以懶。」

胡鴻鈞自認好貪靚

Hubert貪靚,加上遇到好的美容代言產品,就令自己「越變越靚仔」。日前,Hubert受邀成為美容品牌分店的「一日店長」,親自講解美容心得。現場不少粉絲為了能與他近距離接觸,兼偷師護膚秘訣,紛紛下單購買。Hubert轉眼就化身成一名專科醫生,當每位fans去到他面前時,Hubert第一句就問:「點呀你啲皮膚?」相當搞笑。「其實我好難得可以同粉絲一齊交流『扮靚』嘅心得。因為平時同佢哋見面都係可能影張相、簽個名就完,今日呢個活動真係可以同佢哋面對面傾下近況,問下佢哋啲皮膚想點改善呀,當然佢哋係想同我傾私人嘢多啲,但點都好,今次個活動我係覺得非常有意義,同好開心嘅。」

胡鴻鈞化身專科醫生,向粉絲問診。
胡鴻鈞化身專科醫生,向粉絲問診。
胡鴻鈞擔任一日店長,公開變靚心得。
胡鴻鈞擔任一日店長,公開變靚心得。
胡鴻鈞自認好貪靚。
胡鴻鈞自認好貪靚。