關智斌搞入行首個粉絲見面會 堅持逐一簽名合照 與Fans「相愛相殺」:成日整我黑圖

更新時間:22:15 2026-11-16 HKT
發佈時間:22:15 2026-11-16 HKT

關智斌(Kenny)日前舉行入行以來首個fans meeting,「正式」與一班支持多年的「朋友仔」見面。Kenny直言感覺夢幻,甚至有點不敢相信,「入行廿幾年,一直都覺得自己好幸運,有班朋友仔默默喺背後支持,但從來未試過正式為自已成立一個屬於我哋嘅官方粉絲團,更加未試過搞一個純粹屬於我哋嘅『成立日』聚會。」他形容站在台上看着現場眾多面孔,感覺跟平時開演唱會截然不同,「演唱會係一個舞台表演,但今日好似邀請咗一班識咗好耐嘅老朋友嚟我屋企作客,距離好近、好真實。」他直言整件事很圓滿,「亦都覺得自己終於幫大家建立咗一個正式嘅『屋企』。」

關智斌要fans面對面講多謝

籌備見面會期間,Kenny最堅持一定要有「逐一合照及簽名」環節,「雖然現場有幾百人,工作人員都擔心時間會唔會太趕、或者我會唔會好攰,但我覺得既然係第一次正式聚會,好多fans可能專登請假、甚至由外地飛過嚟支持,我唔想大家只係遠距離望我一眼就走。」他希望可以跟每位fans面對面講多謝、有眼神接觸和親手簽名及合照留念,「等大家知道佢哋嘅支持我全部都收到晒。」

關智斌為fans挑選心水歌

他又透露,當日獻唱的歌曲都是特別為fans挑選,「唔係平時嗰啲首本名曲,挑選嘅歌都係分享緊我嘅心聲。」提到最感動的畫面,Kenny指見到很多熟口熟面的面孔,「有啲由我啱啱出道仲着緊校服開始追我,到今日已經成家立室,甚至帶埋小朋友一齊嚟;亦有啲係近幾年先認識我嘅新朋友,大家坐埋一齊完全冇隔膜。」他特別難忘簽名時有fans對他說:「等咗廿幾年,終於等到入會呢一日!」Kenny謂聽到那一刻真的有點眼濕濕,「覺得原來大家真係陪住我一齊成長,呢份陪伴係用錢都買唔到。」

關智斌想搞粉絲旅行團

而與fans之間的互動,Kenny笑言相處模式一向是「相愛相殺」,「佢哋平時好鍾意喺網上整我啲『黑圖』或者Cap我啲奇怪表情包,成日笑我係『偶像包袱零負擔』。」他續指,搞笑歸搞笑,雙方一直有個無形約定,「就係大家各自喺自己嘅生活同事業上面努力,我要繼續保持最佳狀態、做多啲好作品俾大家睇,而佢哋就要健康開心,每次見面都見到彼此變得更加好。」見面會完結後,Kenny預告只是一個開始,「既然個『屋企』已經起好,接下來當然要多啲聚頭。」他透露與團隊正商討不同可能性,例如搞更貼身、純音樂交流的小型音樂會,或一齊做義工、做運動,甚至簡單的露營野餐聚會,「至於同fans去旅行就真係要好好計劃吓,如果成事嘅話,我一定會負責做導遊同攝影師,帶大家去食好嘢同影靚相!」