歐陽震華談病危嚇親老婆:佢當時冇晒表情 與傅潔嫻不生育達共識 計劃齊住豪華老人院

更新時間:10:00 2026-11-17 HKT
發佈時間:10:00 2026-11-17 HKT

現年66歲的歐陽震華(Bobby)近日接受資深傳媒人汪曼玲的YouTube頻道《快拍.曼鏡頭》訪問,大談大病痊癒後的慢活人生。歐陽震華坦言年輕時拍劇太過搏命,曾兩度徘徊生死邊緣,令他徹底看透人生:「呢個經歷都令我睇透咗、睇開咗好多嘢。人一定係有因有果嘅,你種善因得善果,可能我後生時太過百厭啦。」他憶述第一次危機,是當年憑《賭場風雲》入圍國際艾美獎最後五強,成為首位獲此提名的香港電視男藝人,但同時又要日以繼夜趕拍《法證先鋒II》,在長期高壓下終於累出病,甚至「生蛇」直上鼻頭:「嗰時腫到個鼻好似豬膽咁。我去咗48小時,一碗白粥都食唔晒,好似一萬支針拮住塊面咁。」至於第二次闖鬼門關,則是因為急性肺炎送院搶救,一度收到病危通知書,情況極度危殆:「大病嗰次,昏迷咗十幾個鐘,嚇死佢(太太)啦,要送院搶救。佢當時冇晒表情,只係望住啲儀器。睇住啲儀器推出推入,我都好多謝醫生同護士,真係到而家都好感激佢哋。」

歐陽震華獨門「進食次序」 輕鬆搣甩中央肥胖

經歷過生死大關與疫情洗禮後,昔日身形圓潤的歐陽震華決心戒掉重口味,透過鑽研養生飲食成功甩掉大肚腩。他在鏡頭前明顯消瘦不少,但精神奕奕,更分享了個人的瘦身秘訣:「有啲觀眾會擔心我,而家唔係歐陽胖胖,而家瘦咗啦。咁其實飲食係關事嘅,我而家成日喺屋企睇嗰啲健康平台,睇吓其實好多人進食個次序,其實一路都係錯,所以你哋會肥。根據科學解釋,我哋消化嘅次序呢,就食菜先,食菜,跟住食魚食肉,最後先至食主食,即係食飯。」歐陽震華表示不用挨餓節食,單靠調整進食次序,就讓他成功減走內臟脂肪:「我個磅數無乜點郁,但係中央肥胖就真係減咗好多。我之前有少少脂肪肝,我個醫生同我講:『你冇肚腩應該無脂肪肝啦。』」

相關閱讀:歐陽震華娶傅老榕孫女傅潔嫻被標籤「食軟飯」 認心態不平衡:未使過老婆一分錢

歐陽震華計劃未來入住豪華老人院

歐陽震華與太太傅潔嫻結婚30年一直恩愛如昔,但兩人早在婚前已達成不生育的共識。被問到為何堅持不生小朋友,歐陽震華坦言當年結婚時自己心智尚未成熟,加上深知養兒育女責任重大:「因為嗰時結婚都成三十歲,雖然有三十歲嘅外殼,但個腦都係得十幾歲。我好多嘢都未見過,好多嘢我都未玩過,生個出嚟,你唔係生完就完咗呢件事,你呢件事係啱啱開始咋,後面嗰啲棘手嘢係跟住嚟。」對於無兒無女的晚年規劃,他表現得相當豁達:「第時老咗冇人照顧,咪雙雙入老人院囉,唔一定要坐輪椅先入去嘛,而家啲老人院好豪華㗎,有伴又有人照顧埋,生活一樣可以好開心。」

歐陽震華獲宣萱認證屬正人君子

身處五光十色的娛樂圈,歐陽震華歷年來的拍檔位位都是TVB一線花旦,但他卻是圈中著名的「緋聞絕緣體」。問到是否因此給了太太最大的安全感,歐陽震華即幽默地說:「諗就有咁諗嘅,邊個男人唔諗呀?但我哋要行得正企得正。好似之前崔建邦訪問宣萱,宣萱話:『呢個你放心,佢係一個正人君子,佢得把口,唔會有鹹豬手。』」他更開玩笑說:「同我合作過咁多個,都係一級靚女啦,真係冇(緋聞)喎!咁佢哋應該檢討下,哈哈!我老婆咁鍾意我,就真係呢種安全感。喺TVB搵都搵個靚仔啲啦,所以我唔會出軌,佢好放心。」

相關閱讀:古天樂、歐陽震華相隔近30年再合體 勾起網民集體回憶 Bobby面頰凹陷暴瘦惹健康危機?