劉德華罕談老婆女兒:我梗係偏心佢哋  堅持唱歌關梁朝偉事?  為攞男歌手獎放棄畢生最愛

更新時間:20:00 2026-11-16 HKT
發佈時間:20:00 2026-11-16 HKT

天王劉德華向來對家庭生活極其低調,對太太朱麗倩和女兒劉向蕙更是保護有加。不過,近日劉德華作客網台THE MultiTalk《Enter Enter》節目時,竟罕有地主動提及家人,更直言面對太太和女兒時絕對會「偏心」,金句頻出。

劉德華罕談生命中重要角色

在訪談中,劉德華大方分享最新大碟的題材是圍繞身邊人,並坦言:「其實人最初係個體,父母子女都係你生命中出現嘅人,所以裏面談及我爸爸媽媽、太太、女兒同埋你哋,嗰啲就係我生命。」劉德華口中的「你哋」正是多年來支持他的歌迷,但他更願意將歌迷視為朋友:「我當咗佢哋係朋友,佢哋嘅嘢會左右我嘅計劃,佢哋鍾意同唔鍾意,我都concern。」

相關閱讀:劉德華首回應梅艷芳骨灰被盜:好心痛 相隔8年重臨商台獲過百粉絲舉牌應援 望樂壇頒獎禮再現四台聯頒

劉德華大談偏心妻女

提到歌迷與家人對他的無條件支持,劉德華大讚歌迷對他的「偏心」值得特別嘉許,更首度吐露自己的「偏心哲學」:「我覺得任何人都係偏心,你同我講道理,唔好做我阿爸阿媽朋友,如果你係我家人,梗係要偏心我。我而家對阿爸阿媽、我太太、我女,我都係偏心,我對我歌迷都係偏心,如果唔偏心,我搵個法官返嚟就得。」天王這一句「唔偏心不如搵法官」,霸氣得來又充滿對妻女的竉溺,令人心暖。

劉德華堅持唱歌竟因梁朝偉?

入行超過40年的劉德華,在影視歌三棲皆有絕頂成就,但原來他當初差點放棄唱歌,而令他堅持下去的「關鍵人物」,竟然是影帝梁朝偉。劉德華透露,早年出第一張專輯《只知道此刻愛妳》時迴響未如預期,令他一度萌生放棄歌唱、專心拍戲的念頭。豈料有一次到荷蘭拍戲,竟然改寫了他的音樂生涯:「大家多謝吓梁朝偉!有一次我去到荷蘭拍戲,嗰陣時我諗住放棄唱歌,專心拍戲。但喺拍戲嘅過程裏面,聽到大家原來知道梁朝偉係歌手,唔知我係歌手,唔得!我要做到大家都知道我係歌手,咁我先至繼續出唱片。」

相關閱讀:劉德華與老婆激罕同框被捕獲  60歲朱麗倩現身半島酒店少女味濃 另類情侶裝放閃

劉德華:我唔係進取嘅人

大眾眼中的劉德華總是勤力、具進取心的代表,但劉德華卻笑言大家誤會了,自爆:「我一路落嚟我係唔進取,我係勇於表達自己,但係唔進取。」他更透露,當年第一次失落「最受歡迎男歌手」獎項時,自己其實完全沒有感覺,反而身邊的工作人員比他更傷心。

劉德華為幕後團隊放棄至愛

當時極度沉迷打保齡球、甚至想參加國際賽的劉德華,驚覺自己的嗜好影響了宣傳工作,間接令團隊的心血付諸東流:「我同自己講,我啲時間係放咗喺打保齡,如果我攞唔到獎,公司啲人係會傷心。唔係怪我打,佢哋係好鼓勵我打,我打到夜晚黑兩點,佢哋係坐喺旁邊睇。但原來我攞唔到,佢哋係好hurt。所以由嗰年開始到而家,我冇打過保齡,放棄咗保齡,第二年,我哋就攞返!」被問到為了工作放棄最愛的保齡球有沒有後悔?天王盡顯豁達本色,笑言:「冇呀,隨時都打得㗎,你紅幾耐呀?」

相關閱讀:劉德華夫婦被爆私下互動 朱麗倩焦急呼喊「Andy」 前空姐揭秘:被他老婆用書甩了兩下