林家謙做衛蘭紅館屬第2場嘉賓 應主題除眼鏡唱歌當禮物 爆《一人之境》原本俾對方:最後冇揀!
發佈時間:18:18 2026-11-16 HKT
《衛蘭 OUT OF FRAME 世界巡迴演唱會》紅館第二場演出昨晚圓滿完成,開場時衛蘭(Janice)在表演了《Break-a-way》、《My Cookie Can》、《一格格》三首充滿節奏感的歌曲後表示:「多謝我嘅Dancers!Hello,您哋好嘛?上年我嘅20周年演唱會帶我去咗好多地方,見咗好多唔同城市嘅朋友。我出去都好一段時間,但我一直有諗起您哋,因為呢度先係我屋企。有冇掛住我呀?返到屋企就想同屋企人分享呢份禮物,所以呢個舞台同製作都係全新嘅,其他站真係未見過嘅。」接着她給大家送上一曲《Little Miss Janice》。
衛蘭感謝80位成員的合唱團
換過由大師 Tomas Chan 精心打造出來的服裝後,Janice一口氣帶來《離家出走》、《街燈晚餐》、《殘酷遊戲》、《心亂如麻》等經典歌曲。在第三部分,音樂總監蘇道哲加上他那鋪滿鮮花的鍵琴出現在舞台中央,聯同有80位成員的合唱團及Janice給大家送上《鐵蘭花》和《所以我愛》,接着她說:「我唔知您哋嘅感覺係點,但係我同呢班Choir一齊唱歌係好感動,佢哋年齡、背景、職業都唔同,但佢哋真係好齊心同唔計較付出,一放工就即刻抽時間練呢一部分,真係唔容易,請大家俾啲掌聲我呢班Choir,係神嘅愛令我哋走埋一齊,所以今晚好想將呢份愛分享俾您哋。」Janice續說:「我爹哋今日都喺度,係佢教我彈結他,雖然我唔係彈得好叻,我記得佢喺我13歲送咗佢支電結他俾我,然後佢介紹咗呢首叫《True Colors》嘅歌俾我,呢首係一首英文歌,佢嘅歌詞好簡單,但係呢首歌係我細細個嗰陣已經觸動到我,因為呢首歌提醒我唔好同其他人比較,佢令我知道我嘅脆弱同不足係會成為我嘅Super Power。」然後Janice 便以木結他自彈自唱了這首對她影響甚深的《True Colors》。
衛蘭與應昌佑遠距離對唱
在「環場360」的環節中,有了首晚的經驗後,Janice企上那個和舞台有接近6米高度距離的移動裝置時已沒有那麼緊張和害怕,她在紅館半空獻唱了《一場誤會》、《愛你還愛你》,在唱《夏日傾情》時,身處台下觀眾席的應昌佑和她遠距離對唱,兩位昔日同公司的歌手充滿默契演繹這首經典,之後的《大哥》和《就算世界無童話》全場觀眾更和Janice 一起大合唱。
衛蘭欣賞林家謙作曲技巧
再度出場的Janice先獨唱了一段《記得》,接着這首歌的原唱林家謙現身台上和她合唱,Janice說:「我好欣賞你嘅作曲技巧。」家謙回應:「我首《一人之境》曾經俾過妳,但最後妳冇揀嚟唱。」Janice:「其實呢首歌我一路聽一路消化,我有試唱過,但我記得係好難唱,所以我驚我會破壞呢首歌,個天安排我唔去唱,而由你去唱令到首歌變成好Hit。」家謙:「當時首歌俾大家係冇歌詞,得啲 La La La,到最後冇人用,我就收返首歌返嚟先開始填詞。」Janice :「所以緣份要你今晚唱呢首歌。」家謙:「咦,妳竟然識 Que 歌,不過唱之前有嘢想送俾你,因為每次做演唱會嘉賓我都鍾意送禮物。」 Janice ︰「It's nice!」家謙:「我諗過妳乜都有,都唔知送乜嘢俾妳。今次妳演唱會叫《OUT OF FRAME》,所以我會唔戴眼鏡去唱呢首歌。」在Janice 陪伴下、家謙在紅館為大家精心演繹了他這首大Hit歌《一人之境》,得到全場熱列掌聲。
方力申夫婦、馮允謙齊捧場
在演唱會尾聲時,紅館再度變成巨型Party House,先有DJ Tommy出場打碟,更有新晉女歌手KALAI家麗首度踏上紅館舞台,她和Janice 先合唱了電影《喜愛夜蒲》主題曲《Wonderland》、之後還有《Sugar in the Marmalade》英文版和《越夜越有機》,最後Janice 在Encore時以一曲《愛才》,為第二晚演出畫上完美句號。至於這晚一眾圈中人包括方力申夫婦、馮允謙、梁靖琪、湯盈盈、林奕匡、黃妍、力臻、馬天祐、Kendy Suen 、王嘉儀、Brian @ 廿四味、尹景順、鄭家聲、許雲妮、尤淑情、許美琪、陳旭培,以及即將於月底28日舉行演唱會的周志文、周志康兩兄弟均到場支持。

















