萬千星輝賀台慶｜譚輝智望與怕醜囡囡父女檔同台孖黃博台慶跳辣身舞兼Rap歌鄭家聲要變靚啲先考慮參加新戀綜

更新時間：00:15 2026-11-15 HKT
發佈時間：00:15 2026-11-15 HKT

譚輝智、黃博、鄭家聲、蔡宓婕、尤淑情、許美琪昨晚（14日）為《萬千星輝賀台慶》排舞。擅長跳舞的鄭家聲，笑言其中一Part要跳唱《狂野之城》有難度，而且加入韓團舞步。當笑指他跳舞層次高而增加難度，他笑說：「太睇起我啦！」

鄭家聲大讚小朋友舞技驚人

黃博則笑謂跟師兄譚輝智Rap歌外，更大跳辣身舞，原本她有點怕醜，但對方教導她表演時放鬆心情。鄭家聲大讚同台演出的小朋友的舞技最犀利，剛才觀看他們的表演，相信只使出七成功力，足以睇到他「O嘴」，覺得今年的亮點在他們身上。譚輝智笑指一班小朋友跟女兒年紀相若，適逢女兒現正學跳舞，早知叫女兒一同參與，不過女兒比較怕醜。他說：「我都想可以父女同台演出，但係女兒太怕醜，應該要說服幾年先有咁嘅機會。其實佢單獨同我跳舞好犀利，但多一個陌生人就會變得靜。」

譚輝智不敢推薦朋友參加戀綜

提到TVB宣佈《中年好聲音5》於明年強勢回歸。譚輝智說：「係好事呀！我覺得開遲咗，緊接啲仲好。」談到可有朋友想參加，譚輝智笑指剛剛公布，不過身邊朋友比自己年紀大。當笑指他可有「筍盤」朋友推薦去《鑽石戀愛計劃》，他搞笑說：「無呀！全部都係壞人。但我身邊朋友好多結晒婚。」單身的鄭家聲，笑言自己變靚一些先至參加《鑽石戀愛計劃》，不過曾經開玩笑指若然在《中年好聲音4》被出局，就參加《女神配對計劃》，不過最終未有出局。