BIGBANG演唱會丨譚嘉儀開閃光燈打卡被轟自私 遭網民質疑唔識禮儀 潛水一晚終道歉：係我嘅疏忽
發佈時間：14:00 2026-11-14 HKT
韓國天團BIGBANG於啟德主場館舉行四場的《BIGBANG 2026 WORLD TOUR》世界巡迴演唱會香港站在昨晚（11月13日）開鑼，今次是為慶祝出道20周年，G-Dragon（GD）、太陽及大聲3子將舉行睽違9年的世界巡迴演唱會，當然是城中焦點，三子首先穿一身黑白色造型登場，跳唱歌曲〈Fantastic Baby〉打頭陣，全場尖叫一齊和唱，唱完第一首歌已有大批粉絲興奮站起來，跟偶像一齊跳唱。今次BIGBANG世界巡迴演唱會香港站，吸引大批圈中人入場朝聖。
有觀眾開po直斥在台下有人開閃燈影相
本來在一票難求的情況下，入場睇演唱會當然是興奮事，個個都不會錯過打卡機會，影相拍片PO上網炫耀一番。不過完騷後，有現場觀眾在Threads開po直斥在台下有人開閃燈影相，嚴重滋擾周邊樂迷：「KOL 定artist blahblah 原來可以表演個陣出嚟影晒相，影唔滿意仲要影多幾round，開晒閃光燈，再叫secure 幫手影合照，果然係打卡現場，大開眼界，CL7S 咁影mon影埋你哋。」
相關閱讀：BIGBANG演唱會丨GD首場香港演出型爆掟結他 太陽孖隊友廣東話冧港迷 大聲玩諧音梗：大聲啲
片段流出後，有網民發現兩名主角正是圈中閨密譚嘉儀與黃嘉雯。譚嘉儀當晚曾在IG限時動態上載自拍照，她以豹紋頭巾配搭太陽眼鏡及黑色露肩上衣亮相，與影片中的女子造型完全脗合‧，同行身穿淺色露肩上衣襯牛仔短褲的女子，亦被認出是好友黃嘉雯。雖然譚嘉儀已火速將該則限時動態刪除，不過早已被截圖存證並轉載狙擊，有人說：「嘩！有冇搞錯，唱緊影相都算仲要開閃光燈… 張飛不如留返俾其他人啦。」、「究竟你哋去睇演唱會定係要話畀人聽你哋去咗睇演唱會啊？仲要開埋閃光燈影響人，點解可以咁缺德？」、「完全係打卡Only，真粉絲唔會係ON SHOW自拍打燈影相，威係威，但不尊重在場任何人。」、「唔理真粉定假粉，呢個係禮貌，任何show都係，表演者係需要被尊重，表演緊啲人行嚟行去都已經係冇禮貌，仲要打卡開閃光燈影相影半場，我唔使專登影佢都入晒鏡。」
甚至有網民貼自拍相留言質疑譚嘉儀：「做咩唔post開晒閃光燈嗰啲？」、「做Artist竟然唔識演唱會基本禮儀。」還發現她當初發文時標記了舊帳號「@bigbang_official」，結果遭嘲諷只為刷流量打卡。今日（14日）譚嘉儀終於現身並認衰道歉：「唔好意思啊大家，噚日有機會入場睇BIGBANG真係好開心，可能興奮得濟，當下只係太想記錄低見到偶像時的感受同畫面，一時忽略左周圍觀眾嘅感受。係我嘅疏忽 ，演唱會期間開閃光燈呢個行為真係唔啱，作為表演者的確應該更重視睇演唱會的禮儀。多謝大家提點我，影響到大家真係非常唔好意思。」
相關閱讀：BIGBANG世巡登陸啟德限制物件曝光 大型物品自拍棍禁入場
