BIGBANG演唱会丨谭嘉仪开闪光灯打卡被轰自私 遭网民质疑唔识礼仪 潜水一晚终道歉：系我嘅疏忽
发布时间：14:00 2026-11-14 HKT
韩国天团BIGBANG于启德主场馆举行四场的《BIGBANG 2026 WORLD TOUR》世界巡回演唱会香港站在昨晚（11月13日）开锣，今次是为庆祝出道20周年，G-Dragon（GD）、太阳及大声3子将举行睽违9年的世界巡回演唱会，当然是城中焦点，三子首先穿一身黑白色造型登场，跳唱歌曲〈Fantastic Baby〉打头阵，全场尖叫一齐和唱，唱完第一首歌已有大批粉丝兴奋站起来，跟偶像一齐跳唱。今次BIGBANG世界巡回演唱会香港站，吸引大批圈中人入场朝圣。
有观众开po直斥在台下有人开闪灯影相
本来在一票难求的情况下，入场睇演唱会当然是兴奋事，个个都不会错过打卡机会，影相拍片PO上网炫耀一番。不过完骚后，有现场观众在Threads开po直斥在台下有人开闪灯影相，严重滋扰周边乐迷：「KOL 定artist blahblah 原来可以表演个阵出嚟影晒相，影唔满意仲要影多几round，开晒闪光灯，再叫secure 帮手影合照，果然系打卡现场，大开眼界，CL7S 咁影mon影埋你哋。」
相关阅读：BIGBANG演唱会丨GD首场香港演出型爆掟结他 太阳孖队友广东话冧港迷 大声玩谐音梗：大声啲
片段流出后，有网民发现两名主角正是圈中闺密谭嘉仪与黄嘉雯。谭嘉仪当晚曾在IG限时动态上载自拍照，她以豹纹头巾配搭太阳眼镜及黑色露肩上衣亮相，与影片中的女子造型完全脗合‧，同行身穿浅色露肩上衣衬牛仔短裤的女子，亦被认出是好友黄嘉雯。虽然谭嘉仪已火速将该则限时动态删除，不过早已被截图存证并转载狙击，有人说：「哗！有冇搞错，唱紧影相都算仲要开闪光灯… 张飞不如留返俾其他人啦。」、「究竟你哋去睇演唱会定系要话畀人听你哋去咗睇演唱会啊？仲要开埋闪光灯影响人，点解可以咁缺德？」、「完全系打卡Only，真粉丝唔会系ON SHOW自拍打灯影相，威系威，但不尊重在场任何人。」、「唔理真粉定假粉，呢个系礼貌，任何show都系，表演者系需要被尊重，表演紧啲人行嚟行去都已经系冇礼貌，仲要打卡开闪光灯影相影半场，我唔使专登影佢都入晒镜。」
甚至有网民贴自拍相留言质疑谭嘉仪：「做咩唔post开晒闪光灯𠮶啲？」、「做Artist竟然唔识演唱会基本礼仪。」还发现她当初发文时标记了旧帐号「@bigbang_official」，结果遭嘲讽只为刷流量打卡。今日（14日）谭嘉仪终于现身并认衰道歉：「唔好意思啊大家，㖊日有机会入场睇BIGBANG真系好开心，可能兴奋得济，当下只系太想记录低见到偶像时的感受同画面，一时忽略左周围观众嘅感受。系我嘅疏忽 ，演唱会期间开闪光灯呢个行为真系唔啱，作为表演者的确应该更重视睇演唱会的礼仪。多谢大家提点我，影响到大家真系非常唔好意思。」
相关阅读：BIGBANG世巡登陆启德限制物件曝光 大型物品自拍棍禁入场
