譚嘉儀睇BIGBANG香港演唱會被公審 與TVB小花開閃光燈打卡遭截圖狂轟 事隔一晚道歉
發佈時間：16:00 2026-11-14 HKT
韓國天團BIGBANG睽違9年再度合體，為慶祝出道20周年於啟德體育園主場館展開一連四場的《BIGBANG 2026 WORLD TOUR》世界巡迴演唱會香港站，昨晚（11月13日）首場正式開鑼！G-Dragon（GD）、太陽及大聲三子以黑白帥氣造型登場，憑經典神曲〈Fantastic Baby〉震撼開場，瞬間點燃全場尖叫聲與全體大合唱，更吸引大批香港藝人及KOL朝聖。然而，這場「一票難求」的音樂盛事完騷後卻爆出不愉快插曲。有现场觀眾在Threads發文投訴，直斥當晚有VIP、KOL或藝人在演出進行期間不顧秩序，頻繁開啟閃光燈拍照，甚至要求保安員幫忙拍合照打卡，嚴重滋擾周邊樂迷，直言「大開眼界、極度自私」。
網民截圖狙擊譚嘉儀
片段流出後，有網民發現兩名主角正是圈中閨密譚嘉儀與黃嘉雯。譚嘉儀當晚曾在IG限時動態上載自拍照，她以豹紋頭巾配搭太陽眼鏡及黑色露肩上衣亮相，與影片中的女子造型完全吻合；同行身穿淺色露肩上衣襯牛仔短褲的女子，亦被認出是好友黃嘉雯。雖然譚嘉儀已火速將該則限時動態刪除，不過早已被截圖存證並轉載狙擊。有人批評：「嘩！有冇搞錯，唱緊影相都算仲要開閃光燈……張飛不如留返俾其他人啦。」、「究竟你哋去睇演唱會定係要話畀人聽你哋去咗睇演唱會啊？仲要開埋閃光燈影響人，點解可以咁缺德？」、「完全係打卡Only，真粉絲唔會係ON SHOW自拍打燈影相，威係威，但不尊重在場任何人。」、「唔理真粉定假粉，呢個係禮貌，任何show都係，表演者係需要被尊重。表演緊啲人行嚟行去都已經係冇禮貌，仲要打卡開閃光燈影相影半場，我唔使專登影佢都入晒鏡。」
相關閱讀：BIGBANG演唱會丨GD首場香港演出型爆掟結他 太陽孖隊友廣東話冧港迷 大聲玩諧音梗：大聲啲
譚嘉儀認錯發文道歉
甚至有網民貼出截圖留言質疑譚嘉儀：「做咩唔post開晒閃光燈嗰啲？」、「做Artist竟然唔識演唱會基本禮儀。」還發現她當初發文時標記了BIGBANG舊帳號「@bigbang_official」，結果遭嘲諷只為刷流量打卡。今日（14日）譚嘉儀終於現身並認衰道歉：「唔好意思啊大家，噚日有機會入場睇BIGBANG真係好開心，可能興奮得濟，當下只係太想記錄低見到偶像時的感受同畫面，一時忽略左周圍觀眾嘅感受。係我嘅疏忽，演唱會期間開閃光燈呢個行為真係唔啱，作為表演者的確應該更重視睇演唱會的禮儀。多謝大家提點我，影響到大家真係非常唔好意思。」接着黃嘉雯亦說：「由佢哋宣布開演唱會我已經期待左好耐，所以嗰刻先想同台上嘅佢哋影張相留念 ，係我哋疏忽咗，我衷心同各位受影響嘅觀眾道歉，下次會多多注意。再次同大家講聲唔好意思。」
相關閱讀：BIGBANG世巡登陸啟德限制物件曝光 大型物品自拍棍禁入場
