小儀恨演《你的保安》做「麻煩租客」與向海嵐為敵林愷鈴揭童年時睇她做節目

更新時間：07:00 2026-11-14 HKT
發佈時間：07:00 2026-11-14 HKT

由李昭南和黃奕晨主持的ViuTV節目《直樂VIURIETY 四角無雙》昨晚播出最後一集。壓軸嘉賓為林愷鈴、阮小儀、陳苡臻（Jessica）、葛綽瑤（Yoyo）、徐浩昌（肥腸）、岑珈其、阮子健、力臻8位，經過連場激戰，最終由阮子健、力臻勝出贏得終極大獎10萬！

阮小儀讚林愷鈴表現快

林愷鈴和阮小儀受訪時齊聲表示好玩。第一次參加遊戲節目的林愷鈴，更言覺得新鮮，爆小時候就睇小儀做節目。小儀也表示，覺得林愷鈴與母親很似樣，覺得十分有親切感。阮小儀也大讚這位「後輩」表現：「唔係喎，我覺得你好快㗎。其實我哋聽咗個題目，好多次其實你都同我打眼色。」

阮小儀歡迎邀請

早前HOY處境喜劇《你的保安李寶安》導演何爵天表示對邀請小儀加盟感興趣。小儀回答：「我唔知喎。好老實，未有人搵我嘅。之前我咪幫咗佢哋做《他鄉的煮人》配音。」她坦言早前記者會上，見到一些高層時「多口」說：「係囉，搵我客串吓，插科打諢。」她表示歡迎邀請。問她是否收得貴？小儀笑住否認：「唔會啦，貴極有個譜呀！」說罷，記者問她想做什麼角色？小儀表示想做「麻煩租客」，與向海嵐做敵人。