吳業坤孖老婆睇BIGBANG多謝善長仁翁撲飛 龔嘉欣譚凱琪吸收舞台經驗開演唱會

更新時間:20:45 2026-11-13 HKT
發佈時間:20:45 2026-11-13 HKT

龔嘉欣和譚凱琪(Zoie)結伴睇BIGBANG啟德演唱會,嘉欣期待入場感受氣氛,坦言難得二人一齊夾到時間睇騷,更難得BIGBANG來港開騷,大讚眾成員各有所長令她們欣賞,Zoie直言首次睇韓團演唱會,想吸收其他舞台經驗,尤其BIGBANG跳唱皆精。

龔嘉欣笑言想同譚凱琪開騷

嘉欣又笑言和Zoie有意開演唱會,亦曾獲邀登台,她覺得可以但要先練歌,自爆鍾意唱大家都識得唱有共鳴的舊歌,Zoie也坦言現時較少聽新歌。

吳業坤孖愛子拍拖睇騷

吳業坤孖日本太太愛子拍拖睇BIGBANG演唱會,坤哥笑言其實有「電燈膽」,他初次踏足啟德,坦言是盛大演唱會更一票難求,難得有門票,自己是BIGBANG粉絲,之前看過GD演唱會但首次看BIGBANG齊人開騷,非常期待,很久前周圍撲飛終於撲到,笑言多謝善長仁翁給他門票。

BIGBANG紀念品開騷前只剩手燈

另外,演唱會周邊紀念品售賣點設於場館內,在開騷前已只餘下手燈有售,其他全售罄,但仍吸引搶購人龍。雖然開騷前已落微雨,但無阻粉絲在場內幾個打卡位排隊留影。