王書麒自爆登台曾被男觀眾公然揸下體 永世難忘唱歌變震音：畀佢玩咗好耐
發佈時間：23:00 2026-11-13 HKT
70年代童星王書麒與許秋怡於2003年結婚並育有兒子王綽枬（Cody），雖然二人一直沒有註冊結婚，不過多年來互相扶持，是公認的模範夫妻。近日王書麒與許秋怡一現身HOY節目《九運會客室2.0》，王書麒與許秋怡轉戰內地登台多年， 曾有傳許秋怡單靠登台已經月入近百萬，坐擁過億身家，但原來這個「吸金神話」背後，累積了不少登台奇聞，王書麒自爆試過被男觀眾公然揸住下體。
王書麒被男觀眾然揸住下體
王書麒在節目中憶述當時情況：「嗰陣係聖誕節，我唱緊嗰陣時呢，有一個男仔行埋嚟，一手捉住我下體。」Brian立即追問是否「春袋」？王書麒直認不諱：「係，揸住！一路都唔放手。我一邊唱，我嘅震音真係自然得不得了。我望住，我望住佢哋嘅經理，佢哋嘅職員，求救，但我又要應付其他觀眾，真係畀佢玩咗好耐，真係永世難忘。」
相關閱讀：王書麒許秋怡無證30年擬註冊 23歲學霸仔顏值超越老竇 澳洲畢業首開腔想入行無懼星二代標籤
王書麒早年曾二度患上「面顏神經麻痹」
王書麒早年曾二度患上「面顏神經麻痹」，曾停工休養花8個月時間面部情況才好轉：「第一次係喺19歲，嗰陣拍電視劇《新紮師兄》第三輯，喺灣仔天橋底拍，嗰場戲都幾長，四頁紙，一SHOT落，但係做做下唔覺意行埋咗，打完收工返屋企，食碗麵。點解「𠽌」唔到條麵入個口度？因為個嘴功能無咗，可能一打到 Short 咗，西醫叫第七條神經線受細菌感染。中醫就叫面癱，不過呢個絕對係意外。」王書麒續說：「第二次係十幾年前，唔關打事。嗰陣ATV收工拍戲，本來係開心，因為第二日，我有機會入錄音室試吓唱主題曲。點知煞科嗰晚睇歌詞，瞓醒成面又歪晒。人中歪咗，隻眼24小時開住，眨唔到眼不停流眼淚。不過監製好好，話試下啦，佢教我拉住一邊個嘴唇，最後係順利完成，嗰個經歷真係好難忘。」
王書麒最終未能回復昔日樣貌
可惜王書麒的臉部最終未能回復昔日樣貌：「好大原因係唔夠精神，免疫系統，第一次好快好番，第二次，好慢。而家我只係一句『似返個人』，維持咗十幾年無得醫，算啦好多嘢預測不到，見招拆招。」王書麒笑說：「我記得第二次時，肥姐（沈殿霞）約我 Karaoke。肥姐話『無嘢，完全無嘢！』佢好 Nice，唔想傷我，但其實已經係歪晒。」許秋怡說：「好返九成時，肥姐先話『其實嗰次我真係好想話你，你真係好唔掂』，嗰陣我喺心入面好擔，但係我唔想 Show 出嚟，驚佢唔開心。我咪不停鼓勵，無嘢，睇針灸唔得，咪試下物理治療，如果呢個唔得，咪試下睇中醫。」經歷過後，王書麒說：「所以我踏入60歲，我更加覺得健康好緊要，因為想望多啲屋企人，想自己可以長壽啲，對住屋企人，對住個仔，對住佢，所以開始加強運動。」
相關閱讀：55歲許秋怡近況曝光！下巴尖尖狀態更勝從前 內地密密登台傳擁過億身家
