王书麒自爆登台曾被男观众公然揸下体 永世难忘唱歌变震音：畀佢玩咗好耐
发布时间：23:00 2026-11-13 HKT
70年代童星王书麒与许秋怡于2003年结婚并育有儿子王绰枬（Cody），虽然二人一直没有注册结婚，不过多年来互相扶持，是公认的模范夫妻。近日王书麒与许秋怡一现身HOY节目《九运会客室2.0》，王书麒与许秋怡转战内地登台多年， 曾有传许秋怡单靠登台已经月入近百万，坐拥过亿身家，但原来这个「吸金神话」背后，累积了不少登台奇闻，王书麒自爆试过被男观众公然揸住下体。
王书麒被男观众然揸住下体
王书麒在节目中忆述当时情况：「𠮶阵系圣诞节，我唱紧𠮶阵时呢，有一个男仔行埋嚟，一手捉住我下体。」Brian立即追问是否「春袋」？王书麒直认不讳：「系，揸住！一路都唔放手。我一边唱，我嘅震音真系自然得不得了。我望住，我望住佢哋嘅经理，佢哋嘅职员，求救，但我又要应付其他观众，真系畀佢玩咗好耐，真系永世难忘。」
相关阅读：王书麒许秋怡无证30年拟注册 23岁学霸仔颜值超越老窦 澳洲毕业首开腔想入行无惧星二代标签
王书麒早年曾二度患上「面颜神经麻痹」
王书麒早年曾二度患上「面颜神经麻痹」，曾停工休养花8个月时间面部情况才好转：「第一次系喺19岁，𠮶阵拍电视剧《新扎师兄》第三辑，喺湾仔天桥底拍，𠮶场戏都几长，四页纸，一SHOT落，但系做做下唔觉意行埋咗，打完收工返屋企，食碗面。点解「𠽌」唔到条面入个口度？因为个嘴功能无咗，可能一打到 Short 咗，西医叫第七条神经线受细菌感染。中医就叫面瘫，不过呢个绝对系意外。」王书麒续说：「第二次系十几年前，唔关打事。𠮶阵ATV收工拍戏，本来系开心，因为第二日，我有机会入录音室试吓唱主题曲。点知煞科𠮶晚睇歌词，瞓醒成面又歪晒。人中歪咗，只眼24小时开住，眨唔到眼不停流眼泪。不过监制好好，话试下啦，佢教我拉住一边个嘴唇，最后系顺利完成，𠮶个经历真系好难忘。」
王书麒最终未能回复昔日样貌
可惜王书麒的脸部最终未能回复昔日样貌：「好大原因系唔够精神，免疫系统，第一次好快好番，第二次，好慢。而家我只系一句『似返个人』，维持咗十几年无得医，算啦好多嘢预测不到，见招拆招。」王书麒笑说：「我记得第二次时，肥姐（沈殿霞）约我 Karaoke。肥姐话『无嘢，完全无嘢！』佢好 Nice，唔想伤我，但其实已经系歪晒。」许秋怡说：「好返九成时，肥姐先话『其实𠮶次我真系好想话你，你真系好唔掂』，𠮶阵我喺心入面好担，但系我唔想 Show 出嚟，惊佢唔开心。我咪不停鼓励，无嘢，睇针灸唔得，咪试下物理治疗，如果呢个唔得，咪试下睇中医。」经历过后，王书麒说：「所以我踏入60岁，我更加觉得健康好紧要，因为想望多啲屋企人，想自己可以长寿啲，对住屋企人，对住个仔，对住佢，所以开始加强运动。」
相关阅读：55岁许秋怡近况曝光！下巴尖尖状态更胜从前 内地密密登台传拥过亿身家
