前監製張志明揭朱智賢潛水戲反面真相 矛頭純粹指女導演：佢比較狼啲，係同個個都唔啱
發佈時間：12:20 2026-11-12 HKT
朱智賢（Ashley）日前在HOY節目《九運會客室2》自爆當年拍攝旅遊節目曾被不合理對待，聲稱被全男班攝製隊強硬要求「上身半裸」浸溫泉，雖然她企硬而成功避過，但朱智賢卻承受着巨大心理壓力，委屈得躲在房間內哭泣。其後朱智賢再爆試過拍攝潛水戲時被無理要求「唔拉拉鏈」，朱智賢當下覺得極度反感，認為對方同為女性卻毫不尊重女性，嬲爆的她當場黑面直斥：「得喇，轉頭攞個胸畀你影！」幸好當時在場的攝影師主動開口問她為何不拉好拉鏈，朱智賢才如釋重負地將拉鏈拉上。
當年擔任節目監製的張志明接受傳媒訪問，他稱朱智賢並非針對幕後男性工作人員，矛頭純粹指向該名女導演：「嗰陣時佢同嗰啲男人基本上玩到癲晒，唔知幾開心，全部好Friend，係嗰個女導演同佢有啲唔係好，佢就覺得佢成日叫佢除衫、露，所以佢哋係有啲反咗面嘅。」張志明又否認有「臨時逼拍」或底線問題：「喺香港已經開會傾晒㗎啦，要拍啲乜，溫泉、落水嗰啲，唔會臨時叫佢哋拍呢啲。」
相關閱讀：朱智賢拍《3日2夜》被要求半裸浸溫泉 拒拍辣㷫導演 遇過份要求無奈：轉頭攞個胸畀你
談到朱智賢曾稱拍攝潛水戲時被無理要求「唔拉拉鏈」，張志明坦言這個女導演在行內行事作風較具爭議：「嗰個女導演係同個個都唔啱嘅，拍嘢全部個個都覺得佢唔啱，拍完又拍、拍完又拍。可能女導演又比較狼啲，成日都叫佢哋『著少啲、著少啲』，所以唔少女藝人鍾意同男導演合作。」他又指當時朱智賢返港後大家亦只當笑話一場，其後亦繼續參與拍攝工作，過程同樣開心，事件純屬個別單一事件，並未影響她與整個團隊的好感情。朱智賢當日爆出偷食人夫黎振燁後，曾一度被雪藏，不過當時張志明力撐女方，相信她只是演戲經驗尚淺，一時抽離不到角色：「同佢做咗同事咁耐，佢真係好蠢，同埋好豬，我睇住佢入行，我相信佢唔係咁嘅人，但係佢今次真係做錯，希望畀多次機會佢！」
相關閱讀：朱智賢談偷食黎振燁始末：自己白痴信佢分居 背謝東閔出軌淚揭分手內幕稱「好愛佢」
