前监制张志明揭朱智贤潜水戏反面真相矛头纯粹指女导演：佢比较狼啲，系同个个都唔啱

更新时间：12:20 2026-11-12 HKT
发布时间：12:20 2026-11-12 HKT

朱智贤（Ashley）日前在HOY节目《九运会客室2》自爆当年拍摄旅游节目曾被不合理对待，声称被全男班摄制队强硬要求「上身半裸」浸温泉，虽然她企硬而成功避过，但朱智贤却承受着巨大心理压力，委屈得躲在房间内哭泣。其后朱智贤再爆试过拍摄潜水戏时被无理要求「唔拉拉链」，朱智贤当下觉得极度反感，认为对方同为女性却毫不尊重女性，嬲爆的她当场黑面直斥：「得喇，转头攞个胸畀你影！」幸好当时在场的摄影师主动开口问她为何不拉好拉链，朱智贤才如释重负地将拉链拉上。

当年担任节目监制的张志明接受传媒访问，他称朱智贤并非针对幕后男性工作人员，矛头纯粹指向该名女导演：「𠮶阵时佢同𠮶啲男人基本上玩到癫晒，唔知几开心，全部好Friend，系𠮶个女导演同佢有啲唔系好，佢就觉得佢成日叫佢除衫、露，所以佢哋系有啲反咗面嘅。」张志明又否认有「临时逼拍」或底线问题：「喺香港已经开会倾晒㗎啦，要拍啲乜，温泉、落水𠮶啲，唔会临时叫佢哋拍呢啲。」

谈到朱智贤曾称拍摄潜水戏时被无理要求「唔拉拉链」，张志明坦言这个女导演在行内行事作风较具争议：「𠮶个女导演系同个个都唔啱嘅，拍嘢全部个个都觉得佢唔啱，拍完又拍、拍完又拍。可能女导演又比较狼啲，成日都叫佢哋『著少啲、著少啲』，所以唔少女艺人钟意同男导演合作。」他又指当时朱智贤返港后大家亦只当笑话一场，其后亦继续参与拍摄工作，过程同样开心，事件纯属个别单一事件，并未影响她与整个团队的好感情。朱智贤当日爆出偷食人夫黎振烨后，曾一度被雪藏，不过当时张志明力撑女方，相信她只是演戏经验尚浅，一时抽离不到角色：「同佢做咗同事咁耐，佢真系好蠢，同埋好猪，我睇住佢入行，我相信佢唔系咁嘅人，但系佢今次真系做错，希望畀多次机会佢！」