玫瑰戰爭丨陳自瑤被迷姦唔怕畀囡囡睇 陳展鵬借劇教女唔好亂飲人哋畀嘅嘢 電車宣傳路人同保安起衝突
發佈時間：17:45 2026-11-08 HKT
馬國明、陳展鵬、陳自瑤及傅嘉莉等今日到上環為台慶劇《玫瑰戰爭》進行電車巡遊宣傳，當電車去到銅鑼灣，有近過百人在現場等候，而演員落車期間，由於太擠擁關係，有路人同保安起衝突。
電車巡遊遇混亂嚇親陳自瑤
陳展鵬與陳自瑤受訪時，提到剛才的混亂情況，陳自瑤坦言有少少嚇親，但亦明白銅鑼灣是鬧市關係：「我哋呢啲主角又咁有吸引力，一定係好多人嘅，所以難免可能都會有少少碰撞、擠逼呢啲情況，OK嘅，好快就冇事。」
陳自瑤《刑偵12》拍過意圖被施暴戲份
陳展鵬指劇中跟陳自瑤是沒有關係，但自己演的富家子弟的女友傅嘉莉就跟陳自瑤有關，而整個故事亦是由陳自瑤開始，問到陳自瑤劇中是否有大膽戲？她表示「有啲」，但主要以人性和劇情為主，對於劇中她被迷姦，陳自瑤指兩年前拍《刑偵12》時也拍過被意圖施暴的戲份：「但今次就會多少少，OK嘅，但內地平台我哋都睇唔到，我都好期待星期一首播，因為我睇內地評論已經話第一集好緊湊，同埋我第一集都多，因為要交代故事。」
陳展鵬喜與陳豪馬國明再合作
陳展鵬也表示自己也很喜歡這樣的題材：「內地少啲，我哋最強係內容創作，同埋今次都開心喺呢套劇可以同到阿Mo（陳豪）合作，我未合作過，馬明都差唔多十幾年先再合作返，我希望今次呢度港劇所有元素大家都會鍾意。」他又指劇中內容貼地，會吸引到大家。至於是否不會讓女兒觀看？陳自瑤笑言不是恐怖片都可以看，陳展鵬就謂可當作教學：「等佢知道人哋畀佢飲啲嘢唔可以亂飲，如果佢大多幾歲都會畀佢睇，因為始終做家長有時都要用唔同方法去令佢認識呢個世界除咗白都有黑。」
陳自瑤畀女兒觀看迷姦戲
對於內地已播出幾集，兩人表示有留意，更開心地指聽聞口碑也不錯，劇集的「熱度」也很高，所以也很開心，昨日大家去宣傳的時候，大家也很熱情，陳展鵬說：「內地都鍾意一啲新題材，咁我哋香港其實都真係咁多年都俾咗好多新題材，咁今次亦都係，佢哋係好鍾意娛樂圈、緋聞，我哋去演繹返更加入信，所以佢哋都好鍾意好支持。」
馬國明除衫笑言冇人睇
對於昨日在中山活動時，有粉絲衝上台求合照，陳自瑤就指因見粉絲從很遠的地方來支持，故自己落台跟他們互動：「係我做壞規矩，後來迫到郁唔到，工作人員叫我上返台，粉絲見到我上台，佢哋又衝上台，但冇混亂，佢哋好熱情，我冇嚇親，不知幾高興，我見慣風浪。」另外，馬國明被問到在劇中是否會除衫，他笑指自己除沒人睇？更指陳豪未除過，所以建議對方除衫。
