姜濤打開口牌去睇老友舞台劇 Dee勁憂心︰咁要封路

更新時間：15:16 2026-11-08 HKT
發佈時間：15:16 2026-11-08 HKT

姜濤、梁業（肥仔）和何啟華（阿Dee）今日（11月8日）出席銅鑼灣活動。開始前，現場已聚集過千「姜糖」等候，每次姜濤於店內探頭時，店外「姜糖」都尖叫不斷，十分受歡迎。姜濤、肥仔和阿Dee受訪，記者指店外都是姜濤的粉絲，肥仔即「糾正」說：「又唔好咁講。」阿Dee開玩笑說：「嗱，你唔好亂做新聞，有一格係我哋兩個㗎！行過有say hi，將佢啲fans都當自己啲fans。」肥仔、阿Dee有無羨慕姜濤多粉絲？阿Dee回答：「邊有。」姜濤和應：「唔係，你直接講：『我不嬲都呷醋』，哈哈哈！」肥仔說：「我係OK嘅，而家行出街大家都認得我，已經好開心。」姜濤笑說：「你影射我？係咪想咁講？」肥仔說：「冇呀，你唔好屈我喎！」姜濤繼續爆料：「你打波都着99號添啦！」肥仔反擊說：「係呀，寫埋你個名添呀！」

梁業約姜濤打牌賺水腳

談及日前肥仔在籃球比賽進行時，因身體不舒服提早離場。他表示跑了4分鐘後感覺頭暈，「後尾問清楚下面使唔使打，如果要我打，都冇力打⋯⋯」阿Dee似是聽出弦外之音，問：「下面使唔使打？」肥仔更正：「下半場！」續稱當晚回家後即時睡覺休息。提到阿Dee將演舞台劇，姜濤表示會以「神秘人」身份到場支持。姜濤會睇哪一場？肥仔說：「阿Dee驚佢嚟睇，無啦啦場館出面要封路呀！」阿Dee：「我哋有劇場禮儀，封路搞到大家。」姜濤說：「咁誇張？」問肥仔近況，他直言：「近來忙緊約佢哋打牌，賺返啲水腳費！佢話想學廣東牌。」姜濤補充：「唔係學，我經已識打。」問打幾多錢？肥仔回答：「幾嚿水至千幾蚊。（一番？）唔係唔係，一番三蚊啫。」

↓追蹤《星島頭條》WhatsApp頻道↓