方力申自爆投資NFT慘蝕老婆追問挑戰港澳泳目標籌1000萬

更新時間：14:16 2026-11-07 HKT
發佈時間：14:16 2026-11-07 HKT

方力申、劉浩龍、李金凱、顏米羔、梁浩賢、陳旭培、許惠菁等人今日（11月7日）參加匡智慈善跑樓梯大賽。一直都有參加活動的方力申，原來今年已是他第三年以大使身分出席及參與。方力申受訪，他表示為能以大使身分參與而感到榮幸。「香港真係有好多地方充滿住愛。」7年前，小方完成了40多公里香港環島泳，不足兩個星期後，他就要挑戰由香港游到澳門。問到準備工作，他坦言現時最主要是休息、做物理治療同按摩，減低左邊膊頭舊患對身體影響。心理建設又如何？他笑言太太頗為擔心：「我嘅調整嘅心態就係要調整佢嘅心態，唔好影響咗我嘅心態。」坦言太太經常叫他不要勉強，說：「佢話我近50歲多過近40歲啦，而家啲心臟有問題嘅人又年輕化咗，跟住佢話……即係仔細老婆嫩。」不過，小方也表示團隊有獨木舟護航，保護措施充足。他表示，現時已有500萬善款，目標是1000萬。

劉浩龍被Bob拖累

早前，小方在節目大爆自己投資NFT慘蝕。提及此事，他說：「係呀，蝕咗好多錢，所以就……係囉。（介唔介意講幾多錢？）梗係唔講得啦！講完之後，我老婆日日都問我，話畀佢知啦，最多唔同奶奶講。」劉浩龍受訪，剛參加7層賽事的他感覺輕鬆。笑言去年被林盛斌（Bob）拖累，但今年換了許惠菁後就「精神晒」。問下年會不會參加75層賽事，他斬釘截鐵說：「唔會！」直言覺得太hardcore。問及有沒有類似經驗，他分享說，曾有一次打風令大廈升降機暫停運作，所以他步行了30多層出門。最後要不斷打電話問管理處，升降機重新運作後才敢回家。什麼驅使他行30多層樓梯出門？他說：「因為我要落街食嘢。」

↓追蹤《星島頭條》WhatsApp頻道↓