何啟華「超妒忌」肥仔同黎明合唱拍親熱戲會事前同對手溝通為舞台劇床戲積極減肥 : 唔想肚腩搶鏡

更新時間：22:15 2026-11-05 HKT
發佈時間：22:15 2026-11-05 HKT

ERROR成員梁業（肥仔）、何啟華（Dee）今日（11月5日）出席活動。他們接受訪問時，提到肥仔與黎明合作的新歌《等我攬住你》。阿Dee「超妒忌」，直言：「佢有超鬼才填詞。」問到阿Dee會不會搵劉德華合作？他自言：「你出過歌咩？」肥仔回說：「你咪同佢講，第一次留畀佢囉！」阿Dee續言：「我聽到呢一下，感覺機會會流失囉。」

何啟華爆梁業日日練歌

再問肥仔會唔會同黎明公開合唱，肥仔話：「我都想，但暫時未有邀請。」又指對方正在巡迴，自己會睇定時機，有機會或喺新演唱會「膽粗粗」問一問。阿Dee即爆料，肥仔日日在化妝間練歌，他投訴咗好多次，說：「不過因為太好聽，所以投訴失敗。」

何啟華強調只係演戲

談及拍親熱戲，阿Dee指自己同楊偲泳之前拍過情慾戲。問到近日相關新聞多，再拍會不會驚太多新聞？他回答說不會，因為外國有親密指導崗位，香港雖然未必有，但自己會事前同對手溝通，問清哪些位可以接觸、哪些位置不能和不舒服，說：「一定唔會掂。」又強調：「我哋係演戲，唔係真做。」表示這一代演員都是戰戰兢兢，會主動溝通，導演亦會幫手把關、事前試戲，再問女演員可以與否。

何啟華稱角色唔需要胸肌

他與李佳芯在舞台劇有沒有親熱戲，阿Dee叫人入場留懸念，後來承認今次有，對象係女生，而且挑戰大，因為舞台有270度還有「滾床戲」。他指自己未踏足過這麼大的舞台。肥仔又爆他近日落力減肥，說：「唔知為乜。」記者笑問是不是要脫衣。阿Dee反問：「點解咁做呼之欲出啦。」又問及有沒有胸肌，肥仔笑言：「我淨係見到胸毛。」問阿Dee有沒有腹肌，他豪言指不需要，說：「因為有就唔係嗰個角色背景。」只不過不想觀眾睇到贅肉太搶鏡，說：「因為我個肚腩太好睇，忘記咗我啲戲。」