「光頭仔」王嘉明新歌MV預播慶生 AI變身帥哥晒「腹肌」丨獨家

更新時間：06:00 2026-11-05 HKT
發佈時間：06:00 2026-11-05 HKT

昔日電影《最佳拍檔》中的「光頭仔」王嘉明剛迎來44歲生日，數十位鐵粉特意送上燒豬及蛋糕為他慶生。生日會上他首播新歌《我就是光頭仔》MV，歌詞中更有「沒有試過跌倒，未仰望過高峰的那一時；想不通小子回頭再試冷罐頭...」呈現多年來追夢的起伏心路。採訪：方騫平場地：熱記大排檔

王嘉明新歌MV中，導演巧妙加入了AI技術，將他變身成帥氣型男，展示六塊腹肌大送「福利」，現場粉絲睇到嘩嘩聲，最搞笑與未加AI的大肚腩畫面形成強烈對比。王嘉明細說MV小插曲：「其實呢個係導演概念，靈感來自之前賈玲嘅熱爆勵志電影《熱辣滾燙》，導演叫我嘗試增肥後激減，點知因為新陳代謝慢，我肥咗20磅後瘦唔返，最後就只能靠AI做腹肌。」他並不介意展現大肚腩：「冇所謂，反正都係我。𠵱家我唔使理人哋點講，最重要能將件事表達出嚟。」

王嘉明豁達繼續追夢

回顧入行歷程，王嘉明坦言小時候憑「光頭仔」一角爆紅，18歲重新簽約入行後，大眾的注意力依然停留在童星時代。他直言年輕氣盛時曾為此困擾與不開心：「當時好想大家記得我個名，而唔係又係光頭仔炒冷飯咁老土。」後來出來做生意，經過歲月的洗禮，學會了包容與豁達：「𠵱家年紀大咗，覺得有人討論總比冇人講好，而且我咁細個已有代表作好幸運。」