王祖藍聞TVB、HOY處境劇大戰︰大家有工開最好爆6歲細女有幾個矮仔男友

影視圈

更新時間：22:15 2026-11-02 HKT
發佈時間：22:15 2026-11-02 HKT

王祖藍、蘇志威及劉小慧等今日（2日）錄影《夫妻肺片2》。王祖藍指，同太太李亞男主要分享小朋友日常，太太因另有通告走先。王祖藍續說，剛才被問到若然將來女兒帶男友返家會如何？他表示不能介意，也會學蘇志威般，不為女兒篩選男友，不想令女兒覺得煩；笑指6歲細女經已有幾個男友，自爆細女「男友」來參加生日會時，穿着的衣服跟自己幾乎一樣！笑指女兒揀男友眼光同媽咪相似，祖藍說：「相似嘅地方都係矮過佢，佢好似自細就唔介意，屋企睇慣咗接受咗，我有咩嘢可以唔接受？」又指老婆該無所謂，「因為她也揀咗我，冇太大要求。成日聽啲人講，話啲女會搵爸爸身上冇嘅嘢，唔同佢溝通？就要搵個成日同佢傾偈嘅，我話唯一畀唔到佢嘅就係高度、靚仔。」又指現代風氣不結婚，自己盡量跟老婆恩愛一點，做好示範，望女兒相信愛情。

王祖藍諗新搞作迎TVB 60周年

對於最近TVB、HOY處境劇大戰，王祖藍就認為幾好：「百花齊放咪啱囉！（有興趣客串？）今日咪返嚟囉，高層自有方法，總之大家有工開就最好。」透露有傾開拍新節目，下年TVB 60周年想有搞作。提起《老表，你好hea！》重播，他指大家只會留意Vivienne，開心的是這一段去食自助餐的劇情是由他寫的。提到「Vivienne」現在瘦了，他表示瘦了的感情生活會不一樣，未必會再揀阿Bob（林盛斌），提議將林盛斌變成Bosco（黃宗澤）？祖藍覺得提議好，「返去諗吓先。」