羅天宇陳懿德爆JW嫁得豪包辦埃及旅費讚安排貼心有大巴接送

更新時間：21:45 2026-11-02 HKT
發佈時間：21:45 2026-11-02 HKT

《東周刊》早前獨家披露JW（王灝兒）已於去年11月與新歡王至尊（Jim Wong）秘密結婚，雖然JW與王至尊一直未有回應，但JW日前宣布「雙囍臨門」，將「至尊愛情」譜進新歌《JW2情歌》外，同時「派帖」示意與摯愛展開人生的新一頁。

羅天宇激讚土耳其婚禮好正

當日有份參加JW婚禮的羅天宇跟陳懿德（德德）今日為節目《夫妻肺片2》錄影，羅天宇大讚JW搞土耳其婚禮好正，之後拉隊去埃及旅遊：「佢個意願係想大家去一個本身自己都未必會去嘅地方，就好似大家一齊去經歷一個旅程咁樣。咁嗰度好靚嘅，好多即係好多唔同嘅景點，跟住嗰班真係好close嘅friend一齊去，所以我覺得係一個好好嘅參考。」

陳懿德讚JW安排貼心

他們又透露一對新人包了部份費用，至於埃及之旅亦好貼心，德德也大讚JW好sweet，計劃了整個行程，更有大巴接送，又指JW與老公相處也很sweet，而羅天宇也指有時會相約JW他們外出或食飯，問到兩人是否也想旅行結婚？羅天宇指因譚嘉儀也是在峇里結婚，所以也有參考過，也會有點概念，至於會否像JW秘婚？德德說：「我哋未結！」至於是否會先訂婚，她即笑說「而家啦！」