MIRROR「FING小組」未能出席Stanley婚禮感可惜 Lokman提早送心意祝福 Alton首回應失言風波：幽默實驗失敗 強調商台頒獎禮去到一定去

MIRROR隊長Lokman（楊樂文）、副隊長AK（江𤒹生）、Alton（王智德）及Frankie（陳瑞輝）組成的「FING小組」昨晚（31日）為萬聖節音樂嘉年華擔任嘉賓，四子在台上又唱又跳，也在台上互相幫對方影相，之後更high爆落台與歌迷近距離接觸，期間更大派應節小禮物。

「FING小組」為12月演唱會預演

四子受訪時表示未入行前可能還會在萬聖節去玩，但入行後已很少，也很久沒做戶外騷，又笑指剛才落台是送伴手禮給大家，至於今次表演是否為12月的演唱會熱身？Lokman指也可以講是預演攞氣氛，又透露現在已開始排舞，由於大家都各有工作，所以需要分配去練，問到誰人的時間最難夾？四子表示「個個都忙」。

楊樂文睇Stanley婚禮片感動到喊

提到四人均沒有參加隊友邱士縉（Stanley）的婚禮，他們指因工作關係，Lokman表示Stanley出發前有遇到對方，所以也趁機先給予禮物，問到是人情還是禮物？他表示是心意，至於未能參與Stanley婚禮是否感可惜？Lokman說：「所以一早送咗份心意，等佢帶住份心意過去。」他們又表示今日舉行的簽名會是Stanley做人夫後第一次見面，至於看回Stanley婚禮影片後是否也有感動到喊？Lokman說：「梗係感動啦，咁好朋友結婚一定會喊嘅。」至於Stanley之後是否也會請他們食飯補數？他們笑言等主人家去諗，或者是他們請Stanley食飯。

江𤒹生自責有份影響王智德

Alton早前在訪問時因講笑失言惹來一眾網民不滿，他坦言只能夠回應當下真的是「講笑」：「我當初冇惡意去講嗰句說話，當日訪問完咗我同嗰位記者都有傾有講，我哋入行8年，嚟嚟去去訪問都係咁多位，所以唔覺得關係陌生，嗰時講大家都有笑好似大家都幾開心，所以我都冇諗過隔咗一晚就變咗軒然大波！」Alton直言也期待下次有正式機會再見到該記者，若然當日對方有hard feeling的話，自己也會有機會跟他講聲不好意思，又指自己沒有機會去回應，坦言若在網上出帖會太空泛，問到他的幽默感大家似乎不太接受，日後會否收起幽默？Alton說：「我覺得係實驗嚟嘅，今次係實驗失敗，（會唔會再接再厲？）我問吓意見，覺得我應唔應該放棄？（再試吓！）我覺得唔可以放棄嘅，但要小心！」他又解釋上次去商台沒有回應，主要是因行程緊密關係，若停下來用30秒去講，自己不能夠表達所有事，但又沒有幾分鐘的時間去解釋，因停下來就會遲到，當日見到記者想訪問的時候，也會覺得又會有迴避的誤會：「但都有嗰覺悟，就係鏡頭前好多時冇辦法盡善盡美表達自己，希望大家明白，同埋我覺得大家都識咗咁耐，都應該知道大家係咩人。」至於事後是否有和AK互相安慰？Alton指有傳訊息恭喜AK（金馬獎提名男配角），而AK也坦言當日失當在自己身上：「大家可能撈埋一齊嚟講，我覺得反而係我影響到佢（Alton）就真！」

王智德抱姜濤險椎間盤突出

Alton在團綜中要公主抱姜濤，問到姜濤是否真的很重，Alton笑說：「我爭啲椎間盤突出，我唔係講笑，認真㗎而家，因為嗰日拍完一整日係尾聲，大家食住嘢，氣氛又好（輕）鬆，玩係好嘅，老實講唔係嗰個機會嘅話邊有機會抱姜濤？（姜濤俾你抱好興奮！）佢咩都興奮，我覺得我最後都唔算係好成功，我只係hold住咗都郁唔到。」至於覺得哪一個隊友可以抱得起姜濤？他就認為是Jer（柳應廷），Frankie更指Jer好勝，應該怎樣也會頂到！

江𤒹生否認「降呢打壓」

對於入圍金馬獎男配角，問到AK是否準備了戰衣？他表示現在正為演唱會排練，所有事情都交給公司去想，對於今年多香港電影入圍也感開心，覺得與香港演員一起去參與這個盛事是非常開心的一件事，提到同樣有份角逐「最佳男配角」獎田啟文笑指他是「降呢打壓」，AK否認，指電影《我們不是什麼》譚耀文才是主角，自己是支線，由頭到尾也是男配角。

「FING小組」是否出席叱咤記者會要問經理人

另外，網上出現一張疑似是MIRROR會在12月31日及2027年1月1日會到澳門舉行音樂會的黑色剪影宣傳照，問到他們今次是否會出席叱咤頒獎禮？Lokman說：「去到梗係去，但都安排吓先，對我嚟講一月啲事有啲遠，同埋都要準備咗演唱會先，我剩係得噚日今日同聽日嘅通告。」至於叱咤頒獎禮下星期舉行的記者會是否也會出席？四子也笑言下星期的事就要問經理人，Lokman亦再一次表示去到一定去，提到他們與商台破冰，所以想知道他們是否會出席？AK說：「八年前都講緊破冰呢件事，次次都去㗎我哋，我覺得都唔關破唔破冰呢件事，大家係歌手，每一年嘅盛事有機會出席就出席，因為大家係攞嗰年嘅成績表，就算有冇成績表攞都好，都係支持樂壇嘅一件事，一年一度嘅盛事，大家一定好想參與！」