Jeremy封5位數人情畀Stanley：最豪一次自爆峇里婚禮由中午喊到夜晚

更新時間：15:45 2026-10-31 HKT
發佈時間：15:45 2026-10-31 HKT

MIRROR成員Jeremy（李駿傑）昨日出席香水活動，吸引大批粉絲「Unicorns」（粉絲暱稱）撐場，更諗埋口號幫偶像宣傳。Jeremy推舉隊友Anson Lo（盧瀚霆）做「香香公子」，大爆遠遠已經聞到好大陣「Anson Lo味」。至於平時會否用錢解決問題？近期「錢太多」的Jeremy幽默笑言歡迎大家「攞錢撻我」。講到如果送香水，佢就話一定會送畀新婚的對於Stanley（邱士縉），更自爆今次做兄弟團包咗5位數港幣大利是做人情，豪言係暫時人生中送過最豪的一次，做齊所有嘢兼送大封人情，絕對係講義氣的好兄弟！

Jeremy推舉Anson Lo做「香香公子」

Jeremy笑認在峇里出席婚禮當日，由中午喊到夜晚，睇咗「Thank You」卡感言更覺得好似望住自己哥哥、家姐結婚咁感動！不過Jeremy亦自爆沒想過大家影相時、自己會忍不住喊，更爆料Edan（呂爵安）全程在旁「觀察人哋喊」，而姊妹團更係全體落淚。至於婚禮當日驚喜跳唱《BAD》，Jeremy大讚Jer（柳應廷）係舞蹈擔當，Jet 老師教震胸舞佢「一堂就搞掂」！而自己今次為咗大表哥Stanley破戒幫手頂威士忌，笑言：「我冇醉！雖然姊妹團有準備解酒藥，我只係少少頭暈啫，Anson Lo同Tiger（邱傲然）都有幫手頂酒！」他坦言整趟行程比做演唱會更忙，又落雨又要換衫執樣，笑言最大得着係「下次千祈唔好搞咁遠！」被問點解沒分享游水相？Jeremy謙虛說：「佢哋咁fit，我算把啦，得排骨！」其實Jeremy當時只是返房休息，順便幫Tiger影肌肉相，而大表哥Stanley當晚就全程保持清醒。