張繼聰每晚表演跪傷膝 《人夫集團》20場落慕 6永、C君考慮重演升級至1.7版
更新時間：21:45 2026-10-26 HKT
發佈時間：21:45 2026-10-26 HKT
發佈時間：21:45 2026-10-26 HKT
字體大小
由古天樂出品、農作天下主辦及製作、天下一幕協辦的共20場、首個大型綜藝舞台劇《人夫集團》，昨晚（25日）尾場。對於有觀眾提議重演，C君明言有考慮，「呢個係好適合Re-run嘅表演。」6永繼續他的吹水本色，「就算唔係2.0，都會係1.7版，內容上點都會有啲改動。」
6永感激張繼聰包容
昨晚尾場，3子甫上台立即問觀眾有何期待？台下有人大叫「除褲！」張繼聰回應：「呢度戲曲中心嚟，好藝術！」6永緊接：「我除褲都好藝術㗎、好抽象！」除了分享人夫日常之外，他們更邀請台下的夫婦上台補辦喜宴互動，非常有心思。節目尾聲，農夫大讚張繼聰對他們十分包容，指拍劇、拍戲可能會「飛紙仔」，他們卻只有「飛沫」，「同佢講份稿『呢句改一隻字，嗰度試吓咁樣講』，佢照單全收，真係好多謝佢。」此時，坐於觀眾席的謝安琪、黃天頤高舉「唔好諗住返屋企」Banner，全場爆笑。
張繼聰難忘「雙失」
張繼聰最的難忘的是︰「原本有個動作係跣住跪地，之後膝頭有啲怪，去睇物理治療，原來撞咗十幾場經已瘀晒！有啲發炎，最尾幾場係紥住護膝做演出！」農夫就覺得，每晚跟一對夫妻互動的環節，令他們最感動又驚喜，C君提到頭場演出，被一位懷孕的太太感動，因為對方上台已經哭了，而她的丈夫亦非常感激三人彌補了當年未能舉行婚宴的遺憾。至於尾場上台的女觀眾亦適逢生日，同樣感動落淚，6永表示大家的反應令他們最感到驚喜。
C君冇懲罰就係獎勵
完成所有演出，問到三位人夫可會得到太太們的獎勵？C君笑言：「打賞？我做完仲要打賞我太太，請埋太太去食飯，獎勵？冇懲罰就係獎勵。」阿聰則賣口乖：「我做過乜老婆要獎勵我？做呢啲係應份嘅，全部酬勞畀晒老婆，仲會多謝老婆畀機會我出去演出。」不過謝安琪舉牌示意不能回家，他說：「我唔知佢今日會舉牌，我盡量保持希望。」笑言若不能回家便在停車場睡，或者揸車外出兜風。
最Hit
