馬德鐘無懼AI搶飯碗：睇定啲未落實授肖像權大讚兒子行騷有台型

影視圈

更新時間：06:00 2026-10-24 HKT
發佈時間：06:00 2026-10-24 HKT

馬德鐘(馬神)昨晚精神奕奕出席善學慈善基金主辦的慈善晚宴，早前他因身體抱恙要取消工作，並分享在病床上的照片，透露右腳由膝蓋到腳踝大範圍發炎腫脹，更需要抽積水，形容過程「實在煎熬」。不過，笑謂已經完全康復，身體已無大礙。

馬德鐘捧馬在驤行倫敦時裝周

提到兒子馬在驤早前到倫敦時裝周行騷，馬德鐘都有前去捧場，大讚兒子行天橋行得不錯有台型，而且也不用多給意見，指他以前行天橋一板一眼有很多規矩，但現在重視自然流露有自己的性格。

馬德鐘冇向兒子催婚

講到兒子女友亦有到後台支持，馬德鐘表示大家不時都會見面，但沒有向兒子催婚，指兒子還年輕不用急，而且兒子是否結婚也不是他能控制，他亦沒想過要抱孫，笑言自己都仍然為事業搏殺。

馬德鐘洽談內地劇

問到有沒有拍劇計劃？他表示正洽談一些內地劇，對於內地AI劇盛行，搶走了不少演員的飯碗，馬德鐘說：「都無辦法，大家都睇定啲先，睇下會唔會有啲新嘢衍生出來，是可以真人加AI的合作。（有冇人搵過你授權肖像拍AI劇？）有好多都搵過我，但我未落實，我又覺得無所謂，都是因應潮流，可能觀眾看得多AI又會覺得真人有血有肉更好看，AI可以做很多現實做唔到嘅嘢，真人又有一啲嘢都係AI取代唔到，覺得兩者可以互補。」