陳瀅堅守底線拒拍強姦戲份：我好抗拒，好驚梁靖琪自爆拍強姦戲崩潰「個人癲咗」

更新時間：19:00 2026-10-23 HKT
發佈時間：19:00 2026-10-23 HKT

陳瀅（Jeannie）日前作客由梁靖琪（Toby）主持的YouTube頻道《SpotiTalk》，她們在節目中談及女演員在影視作品背後的辛酸。除了大談台慶劇《璀璨之城》的大尺度演出之外，二人更在節目中剖析了演員面對強姦戲等極端情節時的巨大心理關口。入行多年的梁靖琪坦言，自己即使演戲多年，至今依然對拍攝床上戲及強姦戲存有強烈的心理恐懼，甚至曾因拍攝強姦戲份而導致心理崩潰，留下陰影。

梁靖琪拍強姦戲留陰影：好驚，個人癲咗

梁靖琪坦承，至今對強姦這類情節依然感到非常害怕，更自爆曾因拍強姦戲而導致心理崩潰。梁靖琪表示：「我做咗咁耐，我話畀你聽，我都會驚嘅，我都有啲……我記得我有次拍一套劇係畀人強姦，我個人係癲咗。我拍完好驚嘅。個人係好緊張，我頂唔順呀！拍完嗰幾日，我都係個人好驚。」陳瀅亦相當明白梁靖琪的感受，她表示：「雖然我哋係演員、係假（只是演戲），但好多時候演員我哋真係會用咗真嘅情感去做，所以嗰段時間真係……the feeling is bad（感覺不好）。」

陳瀅底線是不拍強姦戲

面對如此考驗心理素質的爭議性情節，陳瀅則斬釘截鐵地表明，拍強姦戲是她無法逾越的終極底線，自己從心理上完全無法接受。陳瀅表示自己底線是不拍強姦戲：「我就未試過拍強姦戲。呢個反而係我自己一個底線嚟嘅，過唔到。但同時時間so far都未試過有人搵我拍一個角色係需要有呢一類嘅scenes。但我……唔得啊！唔知點解我好抗拒，我好驚。」